Ambarnath Crime: अल्पवयीन विद्यार्थींनीसोबत लैंगिक चाळे करणारा शिक्षक गजाआड! 'असा' झाला पर्दाफाश

मिळालेल्या माहितीनुसार, अंबरनाथ पश्चिम येथील एका शाळेत गरिब विद्यार्थी शिक्षण घेतात. या शाळेत शिकणाऱ्या अल्पवयीन विद्यार्थींनीसोबत एका शिक्षकाने लैंगिक चाळे केल्याचा धक्कादायक प्रकार उघडकीस आला आहे. शिक्षक विद्यार्थींनींचा व्हिडीओ काढून त्यांना ब्लॅकमेल करायचा. त्यामुळे विद्यार्थ्यांमध्ये भीती पसरल्याने ते शाळेत येत नव्हते. याप्रकरणी एका एनजीओने दखल घेत पोलीस स्टेशनमध्ये तक्रार नोंदवली. त्यानंतर पोलीस तपासात खळबळजनक माहिती समोर आली.

हे ही वाचा >>Ladki Bahin Yojana: लाडक्या बहिणींनो! 'या' दिवशी मिळणार मुख्यमंत्री लाडकी बहीण योजनेचे 2100?

या शाळेतील तीन अल्पवयीन मुलींवर शिक्षकाने लैंगिक चाळे केले होते. याप्रकरणी अंबरनाथ पश्चिम पोलीस स्टेशनमध्ये आरोपी शिक्षकाविरोधात पोक्सो कायद्यान्वये गुन्हा नोंदवण्यात आला. त्यानंतर पोलिसांनी शिक्षकाला बेड्या ठोकल्या.वरिष्ठ पोलीस निरिक्षक बालाजी पांढरे प्रतिक्रिया देत म्हणाले, एक शिक्षक काही विद्यार्थ्यांकडून मसाज करवून घेत अश्लील चाळे करत असल्याची माहिती आम्हाला एका एनजीओकडून मिळाली होती. त्यानंतर आरोपी शिक्षकाला तातडीनं अटक केली. याप्रकरणी न्यायालयाने आरोपीला 10 डिसेंबरपर्यंत पोलीस कोठडी सुनावली आहे. 

हे ही वाचा >>India Alliance : उद्धव ठाकरे, ममता बॅनर्जी यांच्याकडे नेतृत्व द्यावं, बड्या नेत्याचा राहुल गांधींवर अविश्वास?