इंडिया ITME सोसायटीमार्फत बहुसांस्कृतिक सुविधा केंद्राचे अनावरण

प्रख्यात बॉलीवूड अभिनेत्री सौ. स्मिता जयकर, श्री. दारासिंग खुराना (मिस्टर इंडिया इंटरनॅशनल/ आंतरराष्ट्रीय 2017) आणि स्टँड-अप कॉमेडियन श्री. रोहन गुजराल यांच्या उपस्थितीने कार्यक्रमाची शोभा वाढविली.

ITME च्या कार्यकारी संचालिका सौ. सीमा श्रीवास्तव यांनी आपलं मनोगत व्यक्त केलं आहे की, “आम्ही समाजासाठी आमच्या केंद्राची दारे उघडण्यास उत्सुक असून केंद्राचा वापर त्यांच्या सांस्कृतिक आणि व्यावसायिक उपक्रमांसाठी करणाऱ्या व्यक्तीगत आणि संस्थांचे स्वागत करतो. आम्हाला असा विश्वास आहे की सांस्कृतिक आणि व्यावसायिक अशा दोन्ही उपक्रमांसाठी किफायतशीर जागा उपलब्ध करून देऊन, आम्ही आपल्या स्थानिक समुदायाच्या समृद्धीसाठी आणि विविध लोकांच्या समूहाशी अर्थपूर्ण संबंध वाढवण्यासाठी महत्त्वपूर्ण योगदान देऊ शकतो."

अत्याधुनिक सुविधा आणि सानुकूल रचनेने सुसज्ज अशा या  ITME केंद्राच्या माध्यमातून इव्हेंट आयोजक आणि उपस्थितांना उत्साहपूर्ण अनुभव प्रदान करण्यात येत आहे. जिव्हाळ्याचा/ व्यक्तीगत कार्यक्रम असो किंवा मोठ्या प्रमाणात व्यावसायिक कार्यक्रम आयोजित करणे असो, आयोजक ITME च्या संसाधनांचा वापर करून अभूतपूर्व सोहळ्याचे आयोजन करू शकतात, असं सौ. श्रीवास्तव पुढे म्हणाल्या.

ज्येष्ठ अभिनेत्री सौ. स्मिता जयकर यांनी देखील आपले मनोगत व्यक्त केले आहे की, “ITME केंद्रामुळे दक्षिण मुंबईला एक वेगळीच ओळख लाभणार आहे. मुंबईच्या या गतिशील भागात कला, संस्कृती, नाट्य प्रदर्शन, कार्यशाळा, पुस्तकांचे लाँच यांसारख्या इतर अनेक सांस्कृतिक कार्यक्रमांसाठी हे केंद्र अधिक आश्वासक/ सहाय्यकारक वातावरण निर्माण करेल.”

सदर कार्यक्रमादरम्यान ‘द पॉवर ऑफ कर्मयोगा’ चे लेखक श्री गोपीनाथ चंद्र दास, ‘व्हाय डू आय फील सॅड?’च्या लेखिका डॉ. शेफाली बत्रा, ‘इट्स गोइंग टू बी ओके’ च्या लेखिका सौ. मुक्ता वानखेडे यांनी त्यांच्या पुस्तकांचे प्रदर्शन केले.

इंडिया ITME सोसायटीबाबत: 

इंडिया इंटरनॅशनल टेक्सटाईल मशिनरी एक्झिबिशन सोसायटी (इंडिया ITME सोसायटी) ही एक ना-नफा/ सेवाभावी सर्वोच्च उद्योग संस्था आहे. या संस्थेची स्थापना 1980 मध्ये वस्त्रोद्योग अभियांत्रिकी उद्योगाला प्रदर्शन, कार्यक्रम, व्यापार प्रोत्साहन सेवा, शैक्षणिक शिष्यवृत्ती, विद्यार्थी नियुक्ती आणि सल्लामसलत इत्यादींच्या माध्यमातून पाठिंबा देण्यासाठी आणि साहाय्य करण्यासाठी केली गेली. इंडिया ITME सोसायटी ज्ञानाची देवाणघेवाण, तंत्रज्ञान हस्तांतरण सारख्या सुविधा सुलभ करून आणि थेट विदेशी गुंतवणूक व संयुक्त उपक्रम इत्यादींना प्रोत्साहन देऊन देशांतर्गत तसेच आंतरराष्ट्रीय वस्त्रोद्योग मजबूत करण्यात महत्त्वाची भूमिका बजावते.