Valarmathi isro : चांद्रयान-3 मोहीम काउंटडाउन आवाज झाला शांत! वलरामथी यांचे निधन

प्रज्ञान रोव्हर निद्रिस्त अवस्थेत

23 ऑगस्ट रोजी चांद्रयान-3 चे लँडर मॉड्यूल (LM) – ज्यामध्ये विक्रम लँडर आणि प्रग्यान रोव्हर यांचा समावेश आहे. चंद्राच्या पृष्ठभागावर उतरले होते. यामुळे अशी कामगिरी करणारा भारत हा चौथा देश बनला. लँडिंगमुळे पृथ्वीच्या एकमेव नैसर्गिक उपग्रहाच्या अज्ञात दक्षिण ध्रुवावर पोहोचणारा देश पहिला ठरला. दरम्यान, इस्रोने शनिवारी सांगितले की, चंद्रावरील प्रज्ञान रोव्हर निष्क्रिय करण्यात आले आहे. स्पेस एजन्सीला 14 दिवसांनंतर ते पुन्हा सक्रिय होण्याची आशा आहे.

हेही वाचा >> ISRO मध्ये नोकरी कशी मिळवायची? पात्रता, पगार आणि अर्ज प्रक्रिया जाणून घ्या

चंद्रावर रोव्हर नेहमीच असेल सक्रिय

रोव्हर अल्फा पार्टिकल एक्स-रे स्पेक्ट्रोमीटर (APXS) आणि लेझर इंड्यूस्ड ब्रेकडाउन स्पेक्ट्रोस्कोप (LIBS) या दोन पेलोडसह सुसज्ज आहे. लँडरद्वारे पृथ्वीवर डेटा प्रसारित करणारे पेलोड्स बंद करण्यात आले आहेत. प्रज्ञान रोव्हर आणि विक्रम लँडर वैज्ञानिक डेटा गोळा करण्यासाठी एकत्र काम करत होते. APXS आणि LIBS पेलोड्स चंद्राची माती आणि खडकांच्या मूलभूत आणि खनिज रचनांचे विश्लेषण करण्यासाठी डिझाइन केलेले आहेत. प्रज्ञान रोव्हरला “यशस्वी प्रबोधन” (यशस्वीपणे सक्रिय) नसल्यास, ते चंद्रावर भारताचा दूत म्हणून कायम राहील.

ISRO कडून आदित्य-L1 साठी मोठे अपडेट

याआधी शनिवारी इस्रोने ISRO च्या सतीश धवन स्पेस सेंटरमधून प्रक्षेपित केलेल्या आदित्य-L1 मोहिमेबाबत मोठे अपडेट दिले होते. रविवारी (3 सप्टेंबर) त्याच्या प्रक्षेपणानंतर एका दिवसानंतर आदित्य-एल1 ने आपली कक्षा बदलली आहे आणि आता ते दुसऱ्या कक्षेत स्थापित केले आहे. चालू असलेल्या प्रक्रियेनुसार, त्याला पृथ्वीभोवती 16 दिवस फिरावे लागेल, त्यानंतरच तो सूर्याकडे जाईल. आदित्य L-1 16 दिवसांत पाच वेळा पृथ्वीभोवती प्रदक्षिणा घालणार आहे. इस्रोच्या अपडेटनुसार, आता ५ सप्टेंबरला पुन्हा कक्षेत बदल होणार आहे.

हेही वाचा >> Chandrayaan-3 नंतर ISRO चं लक्ष सूर्यावर, कशी असेल Aditya-L1 मोहीम?

5 सप्टेंबर कक्षा बदलणार

ISRO ने X (ट्विट करून) दिलेल्या माहितीनुसार, आदित्य-L1 व्यवस्थित काम करत आहे आणि त्याची कक्षा बदलली आहे. भारताने अंतराळात पाठवलेली पहिली सौर मोहीम आदित्य-L1 ची कक्षा बदलण्याची पुढील प्रक्रिया 5 सप्टेंबर 2023 रोजी होणार आहे. या दरम्यान, भारतीय वेळेनुसार रात्रीचे सुमारे 3 वाजले असतील. आदित्य L-1 235 x 19500 किमीची कक्षा सोडल्यानंतर 245km x 22459 km च्या कक्षेत पोहोचले आहे. आदित्य एल-१ चे हे पहिले मोठे यश असून त्याचे पहिले पाऊल सूर्याकडे पडल्याचेही बोलले जात आहे.