मुंबईच्या दसरा मेळाव्यास जाणाऱ्या वाहनाला टँकरची धडक, शिवसैनिकाचा जागीच मृत्यू

हे ही वाचा >> ‘त्यांना सरकार बोलायला भाग पाडतंय’, मनोज जरांगेंचं ओबीसी नेत्यांबद्दल स्फोटक विधान

टँकर चालक फरार

मुंबईत होणाऱ्या दसरा मेळाव्यासाठी सांगली जिल्ह्यातील कवठेमहांकाळहून शिवसैनिक मुंबईकडे निघाले होते. त्यावेळी तवेरा (एमएच 10 एजी 4320) गाडीचा आणि टँकरचा (एमएच 10 झेड 4481) अपघात झाला आहे. तवेरा गाडीला पाठीमागील बाजूने टँकरने धडक दिल्यानंतर टँकर चालकाने अपघातस्थळावरून पळ काढला आहे.

टँकरची भयानक धडक

तवेरा गाडीला टँकरने दिलेली धडक इतकी भयानक होती की,गाडीची मागील बाजू पूर्णपणे आत गेली होती. यावेळी तवेरामध्ये बसलेला विवेक सुरेश तेली हा युवक ठार झाला आहे. या दुर्घटनेत तवेराचे प्रचंड नुकसान झाले असून अपघातानंतर पोलिसांनी जखमींना रुग्णालयात दाखल केले.

हे ही वाचा >>‘गोपीनाथ मुंडे स्मारक आता बनवू नका’; पंकजा मुंडे भडकल्या, मेळाव्यातून भाजपवर तोफ

रत्नागिरी-नागपूर या राष्ट्रीय महामार्गावरुन टँकर मिरजच्या दिशेने जात होता. तवेरा कवठेमहांकाळहून मुंबईच्या दिशेने निघाली होती. टँकरने तवेराला धडक दिल्यामुळे तवेराचे प्रचंड नुकसान झाले आहे. अपघातानंतर टँकर चालकाने घटनास्थळावरुन पळ काढला असून पोलीस त्याचा शोध घेत आहे. तर अपघातातील जखमींना रुग्णालयात दाखल करण्यात आले आहे.