धावपट्टीवरच भरधाव दोन विमानांनी घेतला पेट अन्…, 379 प्रवाशांचे झालं काय?

व्हिडीओ व्हायरल

जपानमधील माध्यमांनी दिलेल्या वृत्तानुसार ज्या विमानाला आग लागली होती, त्या विमानाने होक्काइडोमधून उड्डाण केले होते. न्यू चिटोस विमानतळावरून हे विमान चार वाजता निघाले होते, तर पावणे सहा वाजता ते विमान हानेडा विमानतळावर उतरणार होते. माध्यमांमध्ये आणि सोशल मीडियावर व्हायरल झालेल्या व्हिडीओमध्ये विमानाच्या खिडक्यांमधून आगीचे लोळ बाहेर येत असल्याचे दिसून येत आहे. दुर्घटना घडल्यानंतर प्रशासनाकडून विमानातील प्रवाशांना व कर्मचाऱ्यांना बाहेर काढण्यात आले.

हे ही वाचा >> Lok Sabha 2024 : राम मंदिर ते मिशन लोकसभा; मोदी-शाहांची खास रणनीती, समजून घ्या 4 मुद्दे

बेपत्ता कर्मचारी सापडले

जपान टाइम्सने या दुर्घटनेची माहिती देताना सांगितले की, तटरक्षक दलाने सांगितले की, त्यांच्या एका विमानाची हानेडा विमानतळावर जपान एअरलाइन्सच्या विमानाशी टक्कर झाली. त्यावेळी तटरक्षक दलाच्या विमानात एकूण 40 जण होते. मात्र अपघातानंतर त्यातील पाच जण बेपत्ता होते, मात्र काही वेळानंतर ते सापडल्याचेही सांगण्यात आले.

दीर्घ काळानंतर अपघात

जपानमध्ये गेल्या कित्येक वर्षात एकही विमानाचा मोठा अपघात झाला नव्हता. मात्र 1985 मध्ये जपानमध्ये मोठा अपघात झाल्याचे सांगण्यात आले. त्यावेळी त्या अपघातात टोकियो ते ओसाकालाला जाणाऱ्या विमानाचा गुन्मा भागात दुर्घटना घडली होती, त्यावेळी त्यामधील 520 प्रवासी आणि कर्मचाऱ्यांचा मृत्यू झाला होता.

अपघात मानवी चुकीमुळे

नेपाळमध्येही 2023 मध्ये जानेवारीच्या महिन्यात अपघात झाला होता, त्यामध्ये 72 प्रवाशांचा मृत्यू झाला होता. त्यावेळी त्यामध्ये 5 भारतीय मृत्यूमुखी पडले होते. तो अपघात मानवी चुकांमध्ये झाल्याचे अपघातानंतर स्पष्टीकरण देण्यात आले होते. लॅंडिंगच्या होण्यापूर्वी काही मिनिटाआधीच हा अपघात झाला होता.