CM Revanth Reddy on Allu Arjun : "अल्लू अर्जून गाडीवर उभं राहून...", अल्लू अर्जूनच्या अटकेवर काय म्हणाले मुख्यमंत्री?

अल्लू अर्जुनच्या अटकेबद्दल सवाल केला असता ते म्हणाले, 'या देशात सामान्य माणसापासून पंतप्रधानांपर्यंत सर्वांसाठी संविधान समान आहे. एकच कायदा आहे. आम्ही पुष्पा 2 चित्रपटाच्या रिलीजच्या पहिल्या दिवशी 'प्री-रिलीज शो'ला परवानगी दिली होती. तिकिटाचे दर 300 ते 1300 रुपये ठेवण्यासाठीही आम्ही परवानगी दिली होती. त्या शोसाठी प्रचंड गर्दी झाली. तिथली सर्व व्यवस्था योग्य प्रकारे करण्यात आली नव्हती आणि अभिनेता अल्लू अर्जुन कोणतीही पूर्व माहिती न देता त्या शोमध्ये पोहोचला. त्यामुळे तिथे चेंगराचेंगरी झाली. या घटनेत एका महिलेचा मृत्यू झाला असून, तिचा मुलगा 13 दिवस रुग्णालयात जीवन-मरणाशी लढा देत आहे असं रेवंथ रेड्डी म्हणाले.

हे ही वाचा >>Allu Arjun Released : रात्रभर तुरूंगात राहिल्यानंतर आज पहाटे अल्लू अर्जून तुरूंगाबाहेर, वकील म्हणाले...

रेवंथ रेड्डी पुढे म्हणाले, "हैदराबाद पोलिसांनी यामुळेच तातडीने गुन्हा दाखल केला आणि ज्यामध्ये त्यांनी थिएटर आणि व्यवस्थापनातील लोकांना अटक केली. 10 दिवसांनंतर अल्लू अर्जुनलाही याप्रकरणात पोलिसांनी अटक केली. त्यानंतर पोलिसांनी त्याला कोर्टात हजर केलं आणि त्यानंतर त्याला जामीनही मिळाला. आता अशा ठिकाणी एखाद्याला आपला जीव गमवावा लागला, असं असतानाही आम्ही कुणावर गुन्हा दाखल केला नसता, तर तुम्ही म्हणाला असतात की, सिने कलाकारांसाठी नवीन कायदा आणि सुव्यवस्था निर्माण झाली आहे. एखाद्या सामान्य माणसाने असं केलं असतं तर तुम्ही त्याला एका दिवसात तुरुंगात टाकले असतं."

'अल्लू अर्जुन न सांगता संध्या थिएटरमध्ये गेला'

हे ही वाचा >> Ladki Bahin Yojana: लाडकी बहीण योजनेतील 'त्या' महिलांवर दाखल होणार गुन्हा! नेमकं कारण काय?

रेवंथ रेड्डी म्हणाले, अल्लू अर्जुनने चित्रपट पाहिला, ठीक आहे. पण त्यानंतर तो गाडीत बसून तो तिथून निघाला नाही, तर गाडीच्या वर चढला आणि तिथल्या सर्व लोकांना लोकांशी बालायला लागला.त्यानंतरच ही घटना घडली होती. अल्लू अर्जुनने चित्रपट पाहिल्यानंतर ते ठिकाण सोडलं असतं तर, हे घडलं नसतं. गाडीतून उतरून सर्वांना शेक हँड करण्याच्या दरम्यानच ही परिस्थिती हाताबाहेर गेली. एका महिलेला आपला जीव गमवावा लागला, मला सांगा याला जबाबदार कोण? त्या कुटुंबाला कोण उत्तर देणार? असा सवाल रेवंथ रेड्डींनी केला.

अल्लु अर्जून घरच्या घरीही त्याचा चित्रपट पाहू शकत होता. जर ते सार्वजनिक ठिकाणी चित्रपट पाहायला येणार असतील, तर आधी पोलिसांना कळवावं, जेणेकरुन सर्व व्यवसा करता येतील असं म्हणत रेवंथ रेड्डींनी आपली भूमिका मांडली.