संभाजी महाराजांच्या पराक्रमाची गाथा 3D ॲनिमेटेड रूपात

‘छावा’ असं या थ्रीडी ॲनिमेशनपटाचं नाव असून भावेश प्रोडक्शनचे भावेश पाटील आणि शार्कफिन स्टुडिओचे ऋतूध्वज देशपांडे यांच्या प्रयत्नांतून हा थ्रीडी ॲनिमेशनपट साकारला जात आहे. ­‘छावा’चं पोस्टर नुकतेच रिलीज करण्यात आलं आहे. या थ्रीडी ॲनिमेशनपटाचं दिग्दर्शन भावेश पाटील यांचं आहे. गीते समीर नेर्लेकर तर संगीत प्रेम कोतवाल यांचे आहे.

दिग्दर्शक भावेश पाटील यांच्या सांगण्यानुसार, छत्रपती संभाजी महाराज यांच्या अजोड पराक्रमाची गाथा पुढच्या पिढीपर्यंत अॅनिमेशनच्या माध्यमातून अधिक प्रभावी आणि रंजकपणे पोहचवता येईल या विचाराने ‘छावा’ या थ्रीडी ॲनिमेशनपटाची निर्मिती केली.