Baramati Constituency Results: बारामती अजितदादांचीच, युगेंद्र पवारांचा 'एवढ्या' मतांनी पराभव

बारामती मतदारसंघातून अजित पवारांचा विजय

हाती आलेल्या निकालानुसार, बारामती मतदारसंघातून राष्ट्रवादी काँग्रेस पक्षाचे उमेदवार अजित पवार यांनी विजय मिळवला आहे. त्यामुळे शरद पवारांच्या राष्ट्रवादी काँग्रेसचे उमेदवार युगेंद्र पवार यांना मोठा धक्का बसला आहे. दरम्यान, या निकालाने बारामती विधानसभा मतदारसंघात कोणाचं वर्चस्व आहे हे सिद्ध झालं आहे.

हे ही वाचा>> Ajit Pawar Baramati : लोकसभेला एकटा होतो, पण आता माझी आई, बहिणींची साथ... अजितदादा कडाडले

लोकसभा निवडणुकीत बारामतीत मतदारसंघातून सुप्रिया सुळे विरुद्ध सुनेत्रा पवार असा सामना रंगला होता. ज्यामध्ये सुप्रिया सुळे यांनी विजय मिळवला होता. तर आता पुन्हा एकदा पवार विरुद्ध पवार असाच सामना बारामतीकरांना पाहायला मिळाला. 

या निवडणुकीत राष्ट्रवादी काँग्रेस (अजित पवार) पक्षाकडून युगेंद्र पवार यांना तिकीट देण्यात आलं होतं. पण असं असलं तरी बारामतीत शरद पवार विरुद्ध अजित पवार अशी वर्चस्वाची लढाई रंगली होती. ज्यामध्ये अजितदादा यांनी बाजी मारली आहे. 

हे ही वाचा>> Maharashtra Election 2024 Live: कराळे मास्तरांना मारहाण, भाजप कार्यकर्त्यांवर आरोप, वर्ध्यामध्ये तुफान राडा

राष्ट्रवादी काँग्रेसमध्ये फूट पडल्यानंतर पक्षाचं नाव आणि चिन्ह हे दोन्ही अजित पवार यांच्याकडे गेलं होतं. तर शरद पवार यांना नवं नाव आणि चिन्ह घेऊन निवडणुकीच्या रिंगणात उतरावं लागलं होतं. लोकसभा निवडणुकीत त्यांच्या पक्षाला चांगलं यश मिळालं होतं. पण विधानसभा निवडणुकीत त्यांच्या पक्षाची अक्षरश: धूळधाण झाली आहे. त्यांच्या पक्षाला केवळ 10 जागांवरच विजय मिळवता आला आहे.

महाराष्ट्र विधानसभा निवडणुकीचा 288 मतदारसंघांचा निकाल पाहण्यासाठी https://www.mumbaitak.in/ या लिंकवर क्लिक करा.