Maharashtra CM: मुख्यमंत्री पदाबाबत देवेंद्र फडणवीसांचं मोठं विधान!

'मुख्यमंत्री पदाबाबत काहीही ठरलेलं नव्हतं. निवडणुकीनंतर तीनही पक्षांचे नेते बसून याबाबतचा निर्णय घेतील असं ठरलं होतं.' असं म्हणत फडणवीसांनी एक प्रकारे त्यांच्या पक्षाचा दावाच पेश केला आहे.

हे ही वाचा>> Maharashtra Election 2024 Results: पाहा तुमच्या मतदारसंघात कोण जिंकतंय?, 288 मतदारसंघांचा निकाल

पाहा निकालानंतर फडणवीस काय म्हणाले...

'कोणत्याही लोकशाहीमध्ये विरोधी पक्ष असणं गरजेचं आहे. जे विरोधी पक्षातून निवडून आले आहेत त्यांचा आम्ही सन्मान करू. त्यांचा पक्ष छोटा असो वा मोठा असो.. ते ज्या योग्य गोष्टी सांगतील त्या योग्य गोष्टींवर आम्ही प्रतिसाद देऊ.'

'लोकशाहीची हीच खरी गंमत आहे. लोकशाहीत कोणाला जनता डोक्यावर घेईल आणि कोणाला धाराशाही करेल हे सांगता येणार नाही. हेच या निवडणुकीने दाखवून दिलं आहे.'

हे ही वाचा>> Maharashtra Election Results 2024 LIVE Updates: पराभवनंतर राज ठाकरेंच्या लेकाची पोस्ट, म्हणाले "कदाचित जनतेला..

'याबाबतीत अमित शाह यांनी स्पष्टपणे पत्रकार परिषदेत सांगितलं आहे. मुख्यमंत्री पद हे कोणत्याही निकषावर नाही. मुख्यमंत्री पद हे तीनही पक्षाचे नेते बसून ठरवतील. एकनाथ शिंदे हे त्यांच्या पक्षाचे अध्यक्ष आहेत. अजितदादा हे त्यांच्या पक्षाचे अध्यक्ष आहेत. आणि आमचे जे राष्ट्रीय अध्यक्ष आहेत ते आमच्या संसदीय समितीसोबत बसून निर्णय घेतं. त्यामुळे ते जो निर्णय घेतील तो अंतिम असेल. कुठलाही वाद नाही विवाद नाही...' 

'मुख्यमंत्री पदाबाबत कोणताही वाद होणार नाही. कारण पहिल्या दिवसापासून हे ठरलं आहे की, निवडणूक जेव्हा संपन्न होईल त्यानंतर तीनही पक्ष मिळवून याबाबत ठरवेल. जो निर्णय होईल तो आम्हाला मान्य असेल. लोकांनी शिंदेंना खरी शिवसेना म्हणून स्वीकारलं आहे आणि राष्ट्रवादी काँग्रेस म्हणून अजितदादांना.' असं फडणवीस यावेळी म्हणाले.