Pahalgam Accident: ITBP जवानांच्या बसला गंभीर अपघात; 6 शहीद तर अनेक जखमी

ITBP चे सहा जवान पहलगाममध्ये शहीद

पहलगामपासून चंदनवाडी 16 किमी अंतरावर आहे. नुकतीच अमरनाथ यात्रा संपली. अशा परिस्थितीत या यात्रेत तैनात सुरक्षा दलाचे जवान आपापल्या तुकड्यांमध्ये परतत आहेत. हे जवानही कर्तव्य बजावून परतत होते, असे सांगण्यात येत आहे. त्यानंतर ब्रेक फेल झाल्याने बस खड्ड्यात पडली. बस नदीच्या काठावरुन खूप खाली खड्ड्यात पडली आहे. यात 6 जवान शहीद झाल्याचे सांगण्यात येत आहे. जखमी जवानांना विमानाने श्रीनगरच्या लष्करी रुग्णालयात दाखल करण्यात आले आहे.

अपघात झालेल्या बसच्या मागे आयटीबीपीची आणखी एक बस असल्याचे सांगण्यात येत आहे. त्यात कमांडो होते. समोरच्या बसला अपघात होताच दुसऱ्या बसमध्ये बसलेले कमांडो खाली उतरले आणि त्यांनी तातडीने बचावकार्य सुरू केले.