Diwali 2022 : पुण्यात सोने चांदी खरेदीचा विक्रम, एक दिवसात १५० कोटींचे दागिने घेतले गेले विकत

दोन वर्षांनी बाजारपेठांमध्ये उत्साह

धनत्रयोदशीच्या दिवशी मोठी खरेदी करण्यात आली. अक्षय तृतीयेपासून बाजार खुलला आहे. दिवाळीच्या सिझनमध्ये लोक बाहेर पडली आहे. खरेदीसाठी गर्दी झाली आहे. सोन्याचे भाव स्थिर राहिल्याने लोक आनंदाने खरेदी करत आहेत. धनत्रयोदशीच्या दिवशी पुण्यात १५० कोटींची दागिने खरेदी झाली आहे असं पुणे सराफ बाजार असोसिएशनचे फतेहचंद राका यांनी दिली आहे.

पुण्यात सोने-चांदीची रेकॉर्डब्रेक खरेदी

दिवाळीत सोने खरेदीचा उत्साह हा कायमच पाहायाला मिळतो. मात्र या वर्षी लोकांनी रेकॉर्ड ब्रेक खरेदी केली आहे असंही राका यांनी सांगितलं आहे. भारतात सोन्यामागे धार्मिक भावना आहेत. त्यामुळे सोने चांदीची बंपर खरेदी झाली आहे. महिला वर्गाने मोठ्या प्रमाणावर खरेदी केली आहे. त्यामुळे यावर्षी पुण्यात सोने चांदी आणि हिरे दागिने विक्री रेकॉर्डब्रेक झाली आहे. एका दिवसात सोने चांदी आणि हिरे विक्री ही १५० कोटींच्या आसपास झाल्याची माहिती फत्तेहचंद राका यांनी दिली आहे.

सोनं आणि चांदी खरेदीला विशेष मान

दिवाळीत सोनं आणि चांदी खरेदीला विशेष मान असतो. दिवाळीचे चारही दिवस सोनं खरेदी केली जाते. एकट्या पुण्यात धनत्रयोदशीच्या दिवशी १५० कोटींची खरेदी झाली आहे. सराफ व्यावसायिकांसाठी ही आनंदाची बातमी आहे. तसंच यावर्षी पुणेकर महिलांनीही त्यांचं सोनं-चांदी खरेदीचं बजेट हे डबल केलं आहे असंही काही महिलांनी मुंबई तकशी बोलताना स्पष्ट केलं.