Amravati : आंबे तोडणं पडलं महागात; लोखंडी रॉड शरीराच्या आरपार

अमरावती : आंबे तोडायला झाडावर चढणं एक १४ वर्षीय मुलाला चांगलचं महागात पडलं आहे. आंबे तोडताना झाडावरुन तोल सुटून खाली पडल्याने संबंधित मुलाच्या शरीरातून २ फूट लोखंडी अँगल आरपार गेला. अमरावतीमध्ये (Amravati) हा धक्कादायक प्रकार घडला आहे. यश दुर्योधन असं या मुलाचं नावं आहे. उपस्थितांनी यशला तात्काळ उपचारासाठी दाखल करुन त्याचा जीव वाचविला. (A shocking incident happened with a boy who climbed a tree to cut mangoes in Amravati)

नेमका काय प्रकार घडला?

अमरावतीच्या राजापेठ भागातील गोपाळ नगरमध्ये ‘यश दुर्योधन’ हा मुलगा आंबे तोडण्यासाठी झाडावर चढला होता. यावेळी अचानक त्याचा तोल सुटून तो खाली पडला. जिथून तो पडला तिथे एका लोखंडी अँगलला वायरचे कंपाऊंड होते, त्याच लोखंडी अँगलवर तो पडला. यावेळी त्याच्या उजव्या हातातून अडीच फुटाचा लोखंडी अँगल आरपार गेला.

Thane Crime: CM एकनाथ शिंदेंच्या ठाण्यात शिवसेनेच्या नेत्याची हत्या

घडलेली घटना अत्यंत वेदनादायक होती. जखमी झालेल्या यश बराच वेळ वेदनेनं ओरडत होता. अशातच येणाऱ्या-जाणाऱ्या लोकांनी यशचा आवाज ऐकून लगेच त्याच्या मदतीला सुरुवात केली. उपस्थितांनी जवळच्या वेल्डिंग मशिन धारकाला फोन करून बोलावून घेत अँगल कापला आणि त्याला तात्काळ अमरावतीच्या इर्विन हॉस्पिटलमध्ये दाखल केलं.

Crime : पोलिसांच्या खुर्चीवर बसून केला व्हीडिओ; रीलस्टारला घडवली जन्माची अद्दल

यशला हॉस्पिटलमध्ये दाखल केल्यानंतर त्याची परिस्थिती पाहून उपस्थित डॉक्टरांनाही धक्का बसला होता. पण डॉक्टरांनी तात्काळ उपचार सुरु करत अवघ्या ७ मिनिटांत यशच्या हातातून शस्त्रक्रियेने अँगल काढला. तोपर्यंत तो बराच वेळ हा त्रास सहन करत होता. दरम्यान, आता त्याची तब्येत ठीक असल्याची माहिती डॉक्टरांनी दिली आहे.