अमित शाह आणि शरद पवार यांच्या भेटीच्या चर्चेबाबत चंद्रकांत पाटील म्हणतात…

अमित शाह-शरद पवार भेटीबाबत संजय राऊत यांचं मोठं वक्तव्य, म्हणाले…

भविष्यात राष्ट्रवादीसोबत जाण्याचा निर्णय झाला तर काय भूमिका असेल? असं विचारलं असता चंद्रकांत पाटील म्हणाले की मी एक सच्चा स्वयंसेवक आणि कार्यकर्ता आहे. पक्षश्रेष्ठी जो काही निर्णय घेतील तो मान्य असेल. पक्षश्रेष्ठी जो काही निर्णय घेतात तो पक्षाच्या हिताचाच असतो. पंतप्रधान नरेंद्र मोदी, गृहमंत्री अमित शाह आणि राष्ट्रीय अध्यक्ष जे.पी. नड्डा जो काही निर्णय घेतील तो मान्य असेलच यात काही शंका नाही असंही चंद्रकांत पाटील यांनी स्पष्ट केलं. हे सरकार पडेल किंवा राहिल का? असे संकेत तुमच्यापर्यंत आले आहेत असं विचारलं असता चंद्रकांत पाटील यांनी म्हटलं की असे कोणतेही संकेत मिळालेले नाहीत, अमित शाह यांना भेटण्याची वेळ ही रात्री उशिराचीच असते कारण ती वेळ निवांत असते असंही चंद्रकांत पाटील यांनी म्हटलं आहे.

महाराष्ट्रात पुन्हा लॉकडाऊन लागण्याची चिन्हं आहेत का?

शरद पवार यांना ब्रीचकँडी रूग्णालयात दाखल करण्यात आलं होतं आता त्यांच्यावर शस्त्रक्रिया होणार आहे याबाबत विचारलं असता चंद्रकांत पाटील म्हणाले की त्यांच्या प्रकृतीत लवकरात लवकर सुधारणा होवो अशीच मी तुळजाभवानीच्या चरणी प्रार्थना करतो.

लॉकडाऊनवरही भाष्य

कोरोना रूग्ण वाढत आहेत. ती संख्या आटोक्यात आणण्यासाठी लॉकडाऊन हा काही उपाय नाही असं चंद्रकांत पाटील यांनी म्हटलं आहे. राज्य सरकारने आता लॉकडाऊनचा निर्णय घेतला तर हातावर पोट असलेल्या एक कोटी लोकांना प्रत्येकी पाच हजार रूपये द्यावेत अशीही मागणी चंद्रकांत पाटील यांनी केली.