पैठणच्या सभेत पैसे देऊन गर्दी केली?; एकनाथ शिंदेंचा नाथांच्या नगरीतून उद्धव ठाकरेंवर पलट’वार’

पैठण येथे झालेल्या सभेत मुख्यमंत्री एकनाथ शिंदे यांनी शिवसेना पक्षप्रमुख उद्धव ठाकरे यांच्यावर अप्रत्यक्षपणे निशाणा साधला. तर विरोधी पक्षनेते अजित पवार, सुप्रिया सुळे यांनी गणपती दर्शनावरून केलेल्या टीकेलाही प्रत्युत्तर दिलं.

“मी एकदा शब्द दिला की पाळतो. जेव्हा अन्याय झाला. मुस्कटदाबी झाली. त्यावेळी भुमरे माझ्याकडे आले आणि म्हणाले, काय करायचं? मी त्यांना म्हणालो की, जे चाललंय ते चालू द्या. मला काही प्रॉब्लेम नाही. भुमरेंनी शब्द दिला आणि पाळला. सगळ्यांनी कार्यक्रम करायचं ठरवलं होतं, पण ५० लोक पुरून उरले”, असं शिंदेंनी उत्तर दिलं.