कोरोनावरील लस घ्यायला जाताय, पण तुमच्या जिल्ह्यात आहे की नाही हे तर पाहा!

याच पार्श्वभूमीवरच आरोग्यमंत्री राजेश टोपे यांनी आज पत्रकार परिषद घेतली. महाराष्ट्राची लोकसंख्या जास्त आहे. सक्रीय रूग्णसंख्याही देशात सर्वाधिक आहे. त्यामुळे महाराष्ट्राला जास्त लसींचा पुरवठा करण्याची गरज आहे. पण 6 कोटी लोकसंख्येच्या गुजरातला 1 कोटी लसी आणि 12 कोटी लोकसंख्येला महाराष्ट्राला 1.4 कोटी लसी असा भेदभाव का? असा सवाल महाराष्ट्राचे आरोग्यमंत्री राजेश टोपे यांनी विचारला आहे.

लसींचा पुरवठा वाढवण्याची मागणी आरोग्यमंत्र्यांनी केंद्रीय आरोग्यमंत्री डॉ. हर्षवर्धन यांच्याकडे केली आहे. पण दुसरीकडे राज्यातील अनेक नेते हे केंद्र सरकार महाराष्ट्राशी भेदभाव करत असल्याची टीका करत आहे. अधिक माहितीसाठी बघा मुंबई तकवरची ही लाईव्ह चर्चा. त्यामुळे सध्या राज्यात लसींबाबत नेमकी परिस्थिती काय आहे हे जाणून घेण्याचा आणि ती माहिती आपल्यासमोर मांडण्याचा ‘मुंबई तक’ने प्रयत्न केला आहे.

महाराष्ट्रच नव्हे तर ‘या’ राज्यातही बेड्सबाबत गंभीर स्थिती, पाहा एक विशेष रिपोर्ट

महाराष्ट्रात कुठे किती लसींचा साठा आहे?

1. सांगली – शिल्लक डोस: 0

एकूण लसीकरण: 2,60,000

2. रायगड- शिल्लक डोस: 28,420

एकूण लसीकरण: 1,15,358

3. गोंदिया- शिल्लक डोस: 0

एकूण लसीकरण: 1,03,041

4. सातारा- शिल्लक डोस: 0

एकूण लसीकरण: 2,80,719

5. अहमदनगर- शिल्लक डोस: 12,000

एकूण लसीकरण: 2,74,000

6. वाशिम- शिल्लक डोस: 33,600

एकूण लसीकरण: 82,000

7. नवी मुंबई- शिल्लक डोस: 3200

एकूण लसीकरण: 14,179

8. उस्मानाबाद- शिल्लक डोस: 16,790

एकूण लसीकरण: 71,026

9. सोलापूर- शिल्लक डोस: 25,590

एकूण लसीकरण: 2,61,258

10. कोल्हापूर- शिल्लक डोस: 19,000

एकूण लसीकरण: 12,14,421

11. यवतमाळ- शिल्लक डोस: 4,000

एकूण लसीकरण: 1,39,000

12. पिंपरी-चिंचवड- शिल्लक डोस: 0

एकूण लसीकरण: 2,51,320

दरम्यान मुंबई, ठाणे, अमरावती आणि नाशिकमध्ये देखील चार ते पाच दिवस पुरेल इतकाच साठा उपलब्ध आहे.

पाहा कोणकोणत्या राज्यात आत्तापर्यंत किती लसीकरण झालंय:

1. महाराष्ट्र – एकूण डोस- 92,63,537

पहिला डोस – 83,65,730

दुसरा डोस – 8,97,807

2. गुजरात – एकूण डोस – 84,01,800

पहिला डोस – 74,38,163

दुसरा डोस – 9,63,637

3. उत्तर प्रदेश – एकूण डोस – 80,90,098

पहिला डोस – 68,99,767

दुसरा डोस – 11,90,331

4. मध्य प्रदेश – एकूण डोस – 51,75,245

पहिला डोस – 45,94,19

दुसरा डोस – 5,81,046

5. हरयाणा – एकूण डोस – 21,04,653

पहिला डोस – 19,26,435

दुसरा डोस – 1,78,218

ही स्थिती तर फक्त लसींबाबतची आहे. पण अनेक ठिकाणी बेड्स उपलब्ध नाहीत, रेमडेसिविर इन्जक्शन उपलब्ध नाहीत अशीही स्थिती निर्माण झालीय त्यामुळे महाराष्ट्रातली कोरोना स्थिती खरंच गंभीर आहे, हे यातून स्पष्ट होतंय.