मी न केलेल्या गुन्ह्याची शिक्षा मला दिली जात आहे – माजी गृहमंत्री अनिल देशमुख

“मला मिडीयाच्या माध्यमातुन अशी माहिती मिळत आहे की, ईडीकडुन आता माझी चौकशी होणार आहे. मी न केलेल्या गुन्हयाची शिक्षा देण्याचे काम राजकीय हेतुपोटी सुरु आहे. मी गृहमंत्री असतांना मधल्या काळात काही महत्वाचे निर्णय घेतल्यामुळे केंद्र सरकार नाराज असून शकते आणि त्यामुळे माझी चौकशी सिबीआय व ईडीच्या माध्यमातुन होत आहे.”

पुढे बोलतांना अनिल देशमुख म्हणाले की, मी जेव्हा गृहमंत्री होतो तेव्हा अनेक योग्य निर्णय मी घेतले. यात प्रामुख्याने, आतापर्यंत सीबीआयला महाराष्ट्रात कोणत्याही प्रकरचा तपास करायचा असेल तर राज्य सराकारच्या परवागीची गरज नव्हती. परंतु ऑक्टोबर २०२० ला गृहविभागाने निर्णय घेतला की, सीबीआयला जर महाराष्ट्रात तपास करायचा असेल तर राज्य सरकारची परवानगी घेणे बंधनकारक असेल. महाराष्ट्राने हा निर्णय घेतल्या नंतर देशातील अनेक राज्याने महाराष्ट्र सरकार प्रमाणेच निर्णय घेतला असेही अनिल देशमुख यांनी सांगितले.

दादरा नगर हवेलीचे सात वेळा खासदार असलेले मोहन डेलकर यांनी मुंबई येथे येवून आत्महत्या केली होती. या प्रकरणाचा योग्य तपास होण्याची मागणी अनेक आमदारांनी अधिवेशानात केली होती. त्यावरुन मी एसआयटी गठीत करुन या प्रकरणाची चौकशी करण्याचे आदेश दिले होते. तसेच अन्वय नाईक आत्महत्या प्रकरणात गुन्हा दाखल करुन योग्य तपास सुरु केला. या सर्व गोष्टीमुळे केंद्र सरकार माझ्यावर नाराज असु शकते. त्यामुळेच सीबीआय आणि ईडीच्या मार्फत माझी चौकशी सुरु आहे. ज्या पध्दतीने मी सीबीआयला चौकशीसाठी सहकार्य केले त्याच पध्दतीने ईडीला सुध्दा सहकार्य करणार असे अनिल देशमुख यांनी स्पष्ट केले.

Prevention of Money Laundering Act (PMLA) अंतर्गत ईडीने अनिल देशमुखांविरोधात गुन्हा दाखल केला असून यानंतर अनिल देशमुखांना चौकशीसाठी ईडीसमोर हजर रहावं लागण्याचे संकेत मिळत आहेत. सीबीआयने देशमुखांविरोधात दाखल केलेल्या FIR चा अभ्यास केल्यानंतर हा गुन्हा दाखल करण्यात आल्याचं कळतंय. काही दिवसांपूर्वी देशमुखांच्या नागपूर येखील घरावर सीबीआयने छापे मारले होते.

मुंबई पोलीस दलाचे अधिकारी सचिन वाझेंना अटक झाल्यापासून अनिल देशमुख चर्चेत होते. राज्य सरकारने परमबीर सिंग यांची मुंबई पोलीस आयुक्त पदावरुन उचलबांगडी केल्यानंतर देशमुख यांनी मुख्यमंत्र्यांना पत्र लिहून देशमुख यांनी सचिन वाझेंकडे १०० कोटींची मागणी केल्याचा आरोप केला होता. हे प्रकरण न्यायालयात पोहचल्यानंतर मुंबई उच्च न्यायालयाने सीबीआयला या प्रकरणात चौकशीचे आदेश दिले आहेत. त्यामुळे येणाऱ्या दिवसांमध्ये देशमुख आपल्यावरील आरोपांना कसं उत्तर देतात हे पहावं लागणार आहे.