Vaccine Shortage वर अदर पूनावाला म्हणतात देशात या महिन्यापर्यंत राहणार तुटवडा

धमकीचे फोन, बड्या लोकांकडून दबाव…अदर पूनावाला देशाबाहेर लस उत्पादन करण्याच्या विचारात

काय म्हणाले आहेत अदर पूनावाला?

एका महिन्यात आम्ही 60 ते 70 मिलियन डोस तयार करतो. ही क्षमता100 मिलियन पर्यंत नेण्यासाठी आम्हाला जुलै महिना उजाडणार आहे. केंद्र सरकारने 18 वर्षांवरील सगळ्यांना लसीकरणाची घोषणा केल्यानंतरच तुटवडा भासतो आहे. हा तुटवडा येते तीन महिने तरी भासणार आहे असं वक्तव्य अदर पूनावाला यांनी केलं आहे. कोव्हिशिल्ड या लसीचं उत्पादन 100 मिलियन प्रति महिना उत्पादन नेण्यासाठी आम्हाला जुलै महिना उजाडणार आहे असंही त्यांनी स्पष्ट केलं आहे.

सिरम इन्स्टिट्युटला बदनाम करण्याचा प्रयत्न झाला

सिरम इन्स्टिट्युटला बदनाम करण्याचा प्रयत्नही झाला असंही अदर पूनावाला यांनी म्हटलं आहे. काही राजकीय नेत्यांनी आणि टीकाकारांनी सिरमला बदनाम केलं. लसींचं उत्पादन प्रतिदिन वाढवण्याच्या मुद्द्यावरून सिरमला बदनाम करण्यात आलं. आमच्याकडे यासंदर्भात आधी कोणताही आदेश आला नव्हता. आम्हाला नव्हतं की आम्हाला एक वर्षात एक बिलियन पर्यंत लसी उत्पादित कराव्या लागतील. पुण्यात कोव्हिशिल्डचं उत्पादन वाढवण्यात येतं आहे अशी माहितीही अदर पूनावाला यांनी दिली. एका वेबसाईटला दिलेल्या मुलाखतीत अदर पूनावाला यांनी हे भाष्य केलं आहे.

Serum Institute च्या अदर पुनावालांना केंद्राकडून Y दर्जाची सुरक्षा

आणखी काय म्हणाले आहेत अदर पूनावाला?

देशात कोरोनाची दुसरी लाट जानेवारीपासूनच येण्यास सुरूवात होईल असं अधिकाऱ्यांना, प्रशासनाला वाटलं नव्हतं. जानेवारी महिन्यात कोरोनाच्या रूग्णांमध्ये चांगली घट दिसून आली होती. त्यामुळे प्रत्येकाला वाटलं होतं की कोरोनाच्या पहिल्या लाटेचा भारताने यशस्वी मुकाबला केला आहे. दुसरी लाट इतक्या पटकन येईल असं कुणालाही वाटलं नव्हतं.