मुंबईतली कराची बेकरी बंद, कार्यकर्ते मैदानात; मनसेने हात झटकले

हाजी सैफ शेख यांनी आपल्या ट्विटर अकाऊंटवरुन याची माहिती दिल्यानंतर अवघ्या काही मिनीटांमध्येच मनसे नेते संदीप देशपांडे आणि पक्षाने आपल्या अधिकृत ट्विटर अकाऊंटवरुन कराची बेकरीविरोधातील आंदोलन ही पक्षाची अधिकृत भूमिका नसल्याचं जाहीर केलं.

भारताविरुद्ध अतिरेकी कारवाया करणाऱ्या पाकिस्तानमधील कराची शहराचं नाव दुकानाला देऊन देशातील लोकांच्या राष्ट्रवादाच्या भावनेला ठेच पोहचवली जात असल्याचा आरोप हाजी शेख यांनी केला होता. मध्यंतरीच्या काळात हे प्रकरण शांत झालं होतं. परंतू मनसे सैनिकांनी पुन्हा एकदा कराची बेकरीविरोधात आपला मोर्चा उघडत मुंबईतलं दुकान बंद पाडायला लावलं आहे. परंतू पक्ष नेतृत्वाने घेतलेल्या भूमिकेमुळे आगामी दिवसांत नेमक्या काय घडामोडी घडतायत हे पाहणं महत्वाचं ठरणार आहे.