महाराष्ट्रात 5 हजारांपेक्षा जास्त नवे Corona रूग्ण, 216 मृत्यूंची नोंद

राज्यात आजवर 62 लाख 47 हजार 414 रूग्णांनी कोरोनावर मात केली आहे. यामुळे राज्यातील रूग्ण बरे होण्याचे प्रमाण अर्थात रिकव्हरी रेट हा 97.04 टक्के इतका झाला आहे. दिवसभरात राज्यात 5 हजार 31 रूग्णांची नोंद झाल्याने राज्यातील कोरोना रूग्णांची एकूण संख्या 64 लाख 36 हजार 680 इतकी झाली आहे. तर राज्याचा मृत्यू दर 2.12 टक्के इतका झाला आहे.

आजपर्यंत तपासण्यात आलेल्या 5 कोटी 28 लाख 40 हजार 805 प्रयोगशाळा नमुन्यांपैकी 64 लाख 37 हजार 680 नमुने पॉझिटिव्ह आले आहेत. राज्यात आज घडीला 50 हजार 183 सक्रिय रूग्ण आहेत. तर 2 लाख 98 हजार 264 व्यक्ती संस्थात्मक क्वारंटाईन आहेत तर 2369 व्यक्ती संस्थात्मक क्वारंटाईन आहेत.

महाराष्ट्रातली प्रमुख शहरं आणि सक्रिय रूग्णांची संख्या

मुंबई- 3112

ठाणे- 7041

पुणे – 12673

सातारा- 5400

सांगली-4668

सोलापूर- 3979

अहमदनगर- 4716

मुंबईत 343 नवे रूग्ण

मुंबईत दिवसभरात 343 नवे पॉझिटिव्ह रूग्ण आढळले आहेत. तर 272 रूग्णांना डिस्चार्ज देण्यात आला आहे. आत्तापर्यंत मुंबईत एकूण 7 लाख 20 हजार 750 रूग्णांना डिस्चार्ज देण्यात आला आहे. मुंबईचा रिकव्हरी रेट 97 टक्के झाला आहे. तर मुंबईत आज घडीला 2855 सक्रिय रूग्ण आहेत. मुंबईचा डबलिंग रेट 1884 दिवसांवर गेला आहे.

पुण्यात 399 नवे रूग्ण

पुण्यात 399 नवे रूग्ण पॉझिटिव्ह आढळले आहेत. 206 रूग्णांना डिस्चार्ज देण्यात आला आहे. तर पुण्यात पाच मृत्यूंची नोंद झाली आहे. आज घडीला पुण्यात 2066 सक्रिय रूग्ण आहेत. पुण्यात आत्तापर्यंत 4 लाख 83 हजार 221 रूग्णांनी कोरोनावर मात दिली आहे.

महाराष्ट्रात लॉकडाऊनचे काही निर्बंध शिथील करण्यात आले आहेत. काही प्रमाणात निर्बंध आहेत. काही दिवसांपूर्वीच तिसरी लाट येऊ नये म्हणून मुख्यमंत्री उद्धव ठाकरे यांनी आवाहन केलं होतं. कोरोनाची तिसरी लाट येऊ नये म्हणून पूर्णतः काळजी घेण्याचं आवाहन मुख्यमंत्री उद्धव ठाकरेंनी केलं आहे.