नांदेड : दहा लाखांची खंडणी मागणाऱ्या दोघांना अटक, पोलिसांनी आवळल्या मुसक्या

मिळालेल्या माहितीनुसार, तक्रारदार व्यापारी रामाश्रय सहाने हे १४ मार्चला रात्री साडेदहा वाजल्याच्या सुमारास घरी जात होते. यावेळी दोन्ही आरोपींनी सहाने यांची गाडी अडवली. दोन्ही आरोपींनी यावेळी सहानेंकडे १० लाखांची खंडणी मागितली. यावेळी सहाने यांनी माझ्याकडे पैसे नाहीत मला मारुन टाका असं सांगताच आरोपीने माझा भाऊ जेलमध्ये त्याला बाहेर काढण्यासाठी १० लाख दे नाहीतर तुला खरंच मारुन टाकेन असं म्हणत तलवारीने वार करत सहानी यांच्या गाडीच्या काचा फोडल्या.

यावेळी सहाने यांनी पोलिसांत तक्रार दाखल केली होती. पोलिसांनी यानंतर तपासाची चक्र वेगाने फिरवत दोन्ही आरोपींना अटक केली आहे.