PM Narendra Modi यांचं ट्विटर अकाऊंट हॅक, बिटकॉईनबद्दल केली होती घोषणा

मोदींच्या या ट्विटमुळे चर्चांना उधाण आलं होतं, ज्यानंतर मोदींचं हे अकाऊंट हॅक झाल्याचं समोर आलं. गेल्या काही दिवसांपासून देशात बिटकॉईनबद्दल बऱ्याच चर्चा घडत असल्यामुळे मोदींच्या अकाऊंटवरुन करण्यात आलेल्या या ट्विटमुळे खळबळ उडाली होती.

या हॅकींगबद्दल माहिती समजताच पंतप्रधान कार्यालयाने तात्काळ कारवाई करत ते वादग्रस्त ट्विट हटवलं आहे. ट्विटरच्या अधिकाऱ्यांना याबद्दल माहिती देण्यात आली असून नरेंद्र मोदी यांचं अकाऊंट पूर्ववत करण्यात आलं आहे.

बिटकॉईनबद्दल नरेंद्र मोदींच्या अकाऊंटवरुन करण्यात आलेल्या ट्विटला खरं मानू नका असंही पंतप्रधान कार्यालयाने जाहीर केलं आहे.