Nude Photoshoot : रणवीर सिंगची दोन तास चौकशी; मुंबई पोलिसांच्या प्रश्नावर म्हणाला, माहिती असतं, तर…

रणवीर वादावर का गप्प बसला?

जेव्हापासून रणवीर सिंगच्या नग्न छायाचित्रांवरून वाद सुरू झाला, तेव्हापासून तो त्याच्या कायदेशीर टीमच्या सांगण्यावरून गप्प बसला होता, असं सूत्रांकडून सांगण्यात येत आहे. मिळालेल्या माहितीनुसार, रणवीरच्या वकिलाने त्याला या प्रकरणी फक्त पोलिसांसमोरच आपले म्हणणे मांडावे, बाकी मीडियाशी याबद्दल बोलू नये, असा सल्ला दिला होता. सूत्राने सांगितले की, चौकशीदरम्यान रणवीर सिंग खूप शांत राहिला.

रणवीर पोलिसांना काय म्हणाला?

सूत्राने सांगितले की, रणवीरने निवेदनात म्हटले आहे की, शूटिंगदरम्यान फोटोंवर इतका गोंधळ होईल याची त्याला कल्पना नव्हती. रणवीर म्हणाला की, एक अभिनेता म्हणून टीमकडून मिळालेल्या सर्जनशील मार्गदर्शक तत्त्वांचे पालन करून त्याने आपले काम केले आहे. या प्रकरणी रणवीरला यापुढे समन्स बजावण्यात येणार आहे की नाही याबाबत कोणतीही माहिती समोर आलेली नाही.

कसा सुरू झाला वाद?

रणवीर सिंगने पेपर मॅगझिनच्या कव्हर स्टोरीसाठी न्यूड फोटोशूट केले आहे. हे फोटोशूट 21 जुलै रोजी इंटरनेटवर शेअर करण्यात आले होते. फोटोशूटमध्ये रणवीर पूर्णपणे न्यूड दिसला होता. येथूनच सर्व वाद सुरू झाला. हे फोटो सोशल मीडियावर व्हायरल झाले. सुरुवातीला या फोटोंना पसंती मिळाली, मात्र ट्रोलने रणवीरची खिल्ली उडवली. यावर अनेक मीम्सही व्हायरल झाले. दिवसेंदिवस हे प्रकरण राजकीय चर्चेचा भाग बनले. रणवीर अश्लीलता पसरवत असल्याचे अनेकांनी सांगितले. त्याचवेळी त्याने न्यूड फोटोशूट करून महिलांचा अपमान केल्याची तक्रार पोलिसात करण्यात आली होती.