नागपूर : लॉकडाऊन मध्ये नोकरी गेली, शिक्षक बनला ड्रग्ज तस्कर

नागपूरच्या बेलतरोडी पोलीस ठाण्यातील अधिकाऱ्यांना हैदराबादवरुन नागपूरमार्गे एक गाडी दिल्लीला मोठ्या प्रमाणात गांजा घेऊन जाणार असल्याची माहिती मिळाली होती. यानूसार नागपूर पोलिसांच्या पथकाने वर्धा मार्गावर सापळा रचला. आरोपी शिवशंकर DL – 4C – AD – 3665 या क्रमांकाच्या गाडीने प्रवास करत होता.

पोलीस अधिकाऱ्यांनी या गाडीला थांबवून झाडाझडती घेतली असता या गाडीत सुमारे ९१ किलो गांजा सापडला. सध्याच्या घडीला या गांज्याची किंमत बाजारात १३ लाखांच्या घरात असल्याची माहिती पोलिसांनी दिली. आरोपी शिवशंकरला पोलिसांनी अटक केली आहे.