5G नेटवर्कची प्रतीक्षा संपली; पंतप्रधान नरेंद्र मोदी आज करणार शुभारंभ

यावेळी पंतप्रधान नरेंद्र मोदी यांनी ट्विट करून माहिती दिली आहे. त्यांनी लिहिले की, ‘लवकरच आतापासून सकाळी 10 वाजता भारतीय मोबाइल काँग्रेसमध्ये 5G सेवा भारतात सुरू होईल. आम्ही तंत्रज्ञान जगात, तरुण मित्र आणि स्टार्टअपना या विशेष कार्यक्रमात सामील होण्याचे आवाहन करतो.१ ऑक्टोबरपासून सुरू होणारा हा कार्यक्रम ४ ऑक्टोबरपर्यंत चालणार आहे. 5G व्यतिरिक्त, इतर अनेक कार्यक्रम देखील इंडियन मोबाईल काँग्रेसच्या कार्यक्रमात असतील.यावेळी IMC 2022 5G लॉन्चमुळे खूप खास होईल. पंतप्रधान मोदी 1 ऑक्टोबर रोजी सकाळी 10 वाजता 5G सेवा सुरू करतील. यासोबतच Jio आणि Airtel ची 5G सेवा देखील लॉन्च केली जाऊ शकते.

दिल्लीत सेवा कधी उपलब्ध होईल

मुकेश अंबानी, सुनील मित्तल आणि कुमार मंगलम बिर्ला हे देखील इंडियन मोबाईल काँग्रेस 2022 मध्ये सहभागी होऊ शकतात. Jio आणि Airtel या भारतात 5G सेवा सुरू करणाऱ्या पहिल्या कंपन्या असतील. सुरुवातीला, 5G सेवा फक्त निवडक दिल्लीसारख्या मेट्रो शहरांमध्ये उपलब्ध असेल, जी पुढील वर्षापर्यंत विस्तारित केली जाईल.

काय आहे जिओचं प्लॅनिंग?

यावर्षी झालेल्या रिलायन्सच्या एजीएममध्ये मुकेश अंबानी म्हणाले होते की दिवाळीपर्यंत जिओ 5जी दिल्ली आणि इतर मेट्रो शहरांमध्ये लॉन्च होईल. पुढील वर्षी डिसेंबरपर्यंत ही सेवा देशभरात सुरू होईल. कंपनीने पॅन इंडिया 5G नेटवर्कसाठी 2 लाख कोटी रुपयांची गुंतवणूक केली आहे. त्याच वेळी, Jio ने 1000 शहरांमध्ये 5G च्या रोलआउटची योजना पूर्ण केली आहे.

एअरटेलचीही तयारी पूर्ण

एअरटेलचे सीईओ गोपाल विठ्ठल यांनी एक पत्र ग्राहकांना लिहला होता. त्यांनी पत्रात लिहलं होतं की, 5जी सेवेसाठी नवीन सिमकार्ड विकत घेणे आवश्यक नाही. आहे त्या सिमकार्डवर 5जी सेवा मिळेल. पुढच्या आठवड्यात 5 जी सेवा सुरु जाईल असं ते पत्रात म्हणाले होते.

5G स्पेक्ट्रम लिलावात चार कंपन्या सहभागी झाल्या होत्या. यामध्ये जिओ, एअरटेल, Vi आणि अदानी डेटा नेटवर्क सहभागी झाले होते. यामध्ये सर्वात मोठी बोली लावून जिओने जास्तीत जास्त स्पेक्ट्रम विकत घेतला होते. त्याचवेळी एअरटेल आणि नंतर व्होडाफोन आयडियाने दुसऱ्या क्रमांकावर गुंतवणूक केली आहे. अदानी डेटा नेटवर्क सध्या फक्त एंटरप्राइझ व्यवसायात काम करेल.