Terrorism: साखळी बॉम्बस्फोटाची तयारी झालेली पूर्ण, ATS ने वेळीच आवळल्या दोन दहशतवाद्यांच्या मुसक्या

संशयित दहशतवाद्यांनी एका मोठ्या बॉम्बस्फोटाची योजना आखली होती. यूपी एटीएसने (ATS) ताब्यात घेतलेल्या या दोन संशयितांकडून प्रेशर कुकर बॉम्बही सापडला आहे. या बॉम्बची तीव्रता ही खूपच होती. याशिवाय काही जिवंत बॉम्ब देखील जप्त करण्यात आले आहेत.

यूपी एटीएसचे आयजी जीके गोस्वामी यांनी सांगितले की, ‘उत्तर प्रदेश आणि लखनऊमध्ये साखळी बॉम्बस्फोट करण्याचे त्यांचे नियोजन होते. संशयित दहशतवाद्यांचे काश्मीरशी संबंध असल्याची माहिती मिळते आहे. हे स्लीपर सेल्स होते परंतु आता ते सक्रियपणे काम करत होते.’

‘हे दहशतवादी आज किंवा उद्या लखनौ आणि उत्तर प्रदेशात स्फोट करणार होते. त्यांच्याकडून बरीच स्फोटके जप्त करण्यात आली आहेत. या लोकांना मोठा धमाका करायचा होता. बरेच दिवसांपासून यासाठी त्यांचं नियोजन चालू होतं. अद्याप यांच्यासारखे इतरही काही जण असू शकतात. त्यामुळे आता सतत वेगवेगळ्या ठिकाणी छापे मारणं चालू आहे.

अटक केलेल्या संशयित दहशतवाद्यांपैकी एकाचे नाव शाहिद आहे. तो मलिहाबादचा रहिवासी असल्याचे सांगितले जात आहे. ज्या घरावर छापा टाकण्यात आला ते घर शाहिदचेच असल्याचं समजते आहे. इथे तो आपल्या कुटुंबीयांसह राहत होता आणि मोटर गॅरेजचे काम करत होता. या संशयितांचे काश्मीर कनेक्शनही समोर आले असून त्याचा तपास सुरू आहे. यूपी एसटीएसच्या मते, बरेच लोक नेटवर्कमध्ये जोडलेले आहेत.

यूपी एटीएसने शाहिद, रियाज आणि सिराज यांच्या घरावर छापा टाकला होता. शाहिदच्या शेजारी राहणाऱ्या आलम याच्या म्हणण्यानुसार त्याचे शाहिद आणि त्याचे कुटुंबीय हे 12 वर्षांपासून येथे राहत आहे. रियाझ आणि सिराज हे सरकारी नोकरीतून निवृत्त झाले असून शाहिद गॅरेज चालवतो. 9 वर्षांपूर्वी शाहिदही नोकरीसाठी दुबईला गेला होता.

दरम्यान, अशीही माहिती मिळते आहे की, अटकेपूर्वी या दहशतवाद्यांनी काहीतरी वस्तू जाळून टाकल्या होत्या. दुसरीकडे यूपी एटीसएस सतत जम्मू-काश्मीरच्या पोलीस अधिकाऱ्यांच्या देखील संपर्कात आहे.

मुंबई 26/11 हल्ल्याचा मास्टरमाईंड हाफिज सईदच्या लाहोरमधील घराजवळ बॉम्बस्फोट

मिळालेल्या माहितीनुसार, उमर अल-मंदी हा या संशयितांचा नियंत्रक होता. पाकिस्तान-अफगाणिस्तान सीमेवरुन या सगळ्या गोष्टी नियंत्रित करण्यात येत होत्या. तसेच आणखी काही दहशतवादी हे लपून बसलेले असू शकतात. त्यांचा शोध अद्यापही सुरु आहे.