वकील सतिश उकेंना ईडीकडून अटक झालेलं प्रकरण आहे तरी काय? जाणून घ्या…

नागपूर पोलिसांच्या आर्थिक गुन्हे शाखेत उकेंविरुद्ध दाखल असलेल्या तक्रारीवरुन ईडीने ही कारवाई केल्याचं कळतंय. २०१८ साली नागपूरमध्ये बनावट पॉवर ऑफ अटॉर्नी दाखवून सतिश उके यांनी अर्धा एकर जमिन खरेदी केल्याचा त्यांच्यावर आरोप आहे. २००१ साली उके यांनी या विवादीत जमिनीवर अवैधरित्या कब्जा मिळवला, ज्यानंतर त्यांनी ही जमीन इतरांना विकली. २०१८ जुलै मध्ये उके बंधूंना या प्रकरणात अटकही झाली होती. या जमिनीची किंमत बाजारभावाप्रमाणे ११.५ कोटी असल्याचं बोललं जातंय. याव्यतिरीक्त उके यांच्याविरुद्ध जमिनीवर अवैध कब्जा, फसवणूक आणि विनयभंग असे धक्कादायक गुन्हे दाखल आहेत.

माजी मुख्यमंत्री देवेंद्र फडणवीस यांनी प्रतिज्ञापत्रात आपल्यावर दाखल असलेल्या गुन्ह्याबद्दलची माहिती लपवल्याची तक्रार करणारी याचिका सतिश उके यांनी कोर्टात केली होती. याचसोबत काँग्रेस नेते नाना पटोले यांचेही ते वकील आहेत. न्यायाधीश लोया प्रकरणात उके यांनी सनसनाटी आरोप केले होते.

मोठी बातमी ! अ‍ॅडव्होकेट सतिश उके यांना ईडीकडून अटक, वकिलांची माहिती

दरम्यान ईडीने उके यांची वैद्यकीय तपासणी करुन ट्रान्झिट रिमांड घेत त्यांना मुंबईकडे नेण्याचं ठरवलं आहे. शुक्रवारी उके यांना मुंबईत विशेष PMLA कोर्टासमोर हजर केलं जाणार आहे.