Driving License : घरबसल्याच मिळावा ड्रायव्हिंग लायसन्स; पण आधी प्रक्रिया तर समजून घ्या

तुम्ही दिल्लीत रहात असाल किंवा इतर कोणत्याही राज्यात असाल, तुम्ही ड्रायव्हिंग लायसन्ससाठी ऑनलाइन अर्ज करू शकता. यासाठी तुम्हाला रस्ते वाहतूक आणि महामार्ग मंत्रालयाच्या वेबसाइटला भेट द्यावी लागेल.

वेबसाईटवरून असं करा अप्लाय

वेबसाइटद्वारे, तुम्ही 16-18 वर्षे वयापर्यंत लर्निंग ड्रायव्हिंग लायसन्ससाठी अर्ज करू शकता. वेबसाइटवरील ऑनलाइन सेवांच्या पर्यायावर जाऊन ड्रायव्हिंग लायसन्स रिलेटेड सर्व्हिसेसचा पर्याय निवडावा लागेल. यानंतर तुम्हाला ड्रॉपडाउन मेनूमधून Apply For Learner License वर क्लिक करावे लागेल.

लर्निंग लायसन्ससाठी टेस्ट

तुम्ही आधारसोबत eKYC केल्यास तुम्हाला RTO ऑफिसमध्ये जाऊन टेस्ट देण्याची गरज नाही. लर्निंग लायसन टेस्ट तुम्ही घरबसल्याच देऊ शकता. तुम्ही येथे आधार नसलेले eKYC निवडल्यास, तुम्हाला RTO कार्यालयात जाऊन चाचणी द्यावी लागेल.

त्यानंतर तुम्हाला आधार प्रमाणीकरण निवडून तुमचा आधार क्रमांक द्यावा लागेल. तुमच्या नोंदणीकृत मोबाईल नंबरवर OTP येईल. त्याची पडताळणी करा. तुम्हाला तुमच्या नोंदणीकृत मोबाईल नंबरवर एसएमएसद्वारे ऑनलाइन चाचणीसाठी लॉगिन तपशील मिळतील. ऑफलाइन चाचणीसाठी, तुम्हाला आरटीओ कार्यालयात जाऊन चाचणी द्यावी लागेल.

अशा प्रकारे तुम्ही ऑनलाइन ड्रायव्हिंग लायसन्ससाठी अर्ज करू शकता

प्रथम तुमचा तपशील भरा. त्यानंतर विचारलेली सर्व कागदपत्रे अपलोड करा. आवश्यक असल्यास फोटो आणि स्वाक्षरी अपलोड करा (केवळ काही राज्यांसाठी लागू). DL चाचणी स्लॉट बुकिंग (केवळ काही राज्यांसाठी लागू). फी भरा. पेमेंट स्थिती सत्यापित करा. पावती प्रिंट करा.

ड्रायव्हिंग चाचणी आवश्यक आहे

ड्रायव्हिंग लायसन्स मिळविण्यासाठी, तुम्हाला एमव्ही कायद्यानुसार ड्रायव्हिंग चाचणी द्यावी लागेल. तुमचे वय १८ वर्षांपेक्षा जास्त झाल्यानंतरच तुम्ही ड्रायव्हिंग लायसन्ससाठी अर्ज करू शकता. राजधानी दिल्लीत ड्रायव्हिंग लायसन्स घरपोच पोस्टाने पाठवले जाते. तर, अनेक राज्यांमध्ये तुम्ही ते आरटीओकडून मिळवू शकता.