शून्य कोरोना मृत्यूचं मुंबई मॉडेल काय आहे?

मुंबईत रविवारी २४ तासांत ३६७ जणांना कोरोनाची बाधा झाली. तर ५१८ जण कोरोनातून बरं होऊन घरी परतले. आतापर्यंत १६ हजार १८० मृत्यू बघणाऱ्या मुंबईत रविवारी कोरोनामुळे एकही जीव गेला नाही. हो, एकही मृत्यू झाला नाही.

१७ मार्च २०२० ला मुंबईत एका ६७ वर्षांच्या व्यक्तीचा कोरोनानं मृत्यू झाला होता. हा मुंबईतला पहिला कोविड मृत्यू होता. त्यानंतर मृत्यूचा अक्षरशः सिलसिलाच सुरू झाला. जून २०२० मध्ये तर एकाच दिवसात तब्बल १३६ जणांना जीव गमावावा लागलाय.