शरद पवारांपासून दूर का झालात? त्यांनी तुम्हाला फसवलं का? सुनील तटकरेंनी सांगितली A to Z स्टोरी

सुनील तटकरे पुढे म्हणाले,  २०२२ मध्येही राष्ट्रवादी काँग्रेस पक्षाच्या विधिमंडळाच्या सर्व आमदारांनी ५२ आमदारांनी एकमताने ठरवलं की, आपण सत्तेत असलं पाहिजे. शाहू-फुले आंबडेकरांच्या विचारासांठी एकमेव मी जन्माला आलो आहे, असं सांगणारे सुद्धा त्यात सह्या करणाऱ्यांमध्ये होते. दांभिकपणा किती असू शकतो, त्या सहीने दाखवला आहे. आम्ही जे आहे ते स्वीकारलं.

हे ही वाचा >> भारताच्या 13 वर्षाच्या खेळाडूने इतिहास रचला! 'असा' कारनामा करणारा जगातील सर्वात युवा फलंदाज, सचिनचा विक्रमही...

आम्ही भारतीय जनता पक्षासोबत गेलो, असं नेहमी बोललं जातं. मला पुन्हा एकदा महाराष्ट्राच्या जनतेला ठामपणे सांगायचंय की, माझा भाजपसोबत जाण्याचा विचार किंवा निर्णय जूनमध्ये 2023 ला आला असा नाही. 2014 मध्ये विधानसभा निवडणुकीचे निकाल लागले. निकाल हाती यायचे होते, त्याआधीच आम्ही भारतीय जनता पक्षाला पाठिंबा दिला. त्यानंतर आम्ही सरकारमध्ये सहभागी होणार होतो, असंही तटकरे म्हणाले. 

तटकरे म्हणाले, मी मागेही दावा केला होता की, 2009 एमव्हीए, देशात यूपीए 2 म्हणून लोकसभेला निवडणूक होत होती, त्यावेळी सुद्धा भाजप, शिवसेना आणि राष्ट्रवादी काँग्रेस पक्ष लोकसभा निवडणूक लढवायच्या. 16-16-16 असा सुद्धआ फॉर्म्युला 2009 मध्ये ठरला होता. शिवसेनेनं भाजपमधून बाजूला जायचं आणि आम्ही काँग्रेसमधून बाजूला जायचं, शिवसेना आणि राष्ट्रवादी काँग्रेस पक्षाने एकत्रित निवडणुका लढवायच्या, अशी पक्षांतर्गत चर्चाही झाली होती.राष्ट्रवादी काँग्रेस पक्ष म्हणून शिवसेना किंवा भाजपकडे जाण्याची चर्चा २००९ ते २०१६ पर्यंत होती. मी भाजपच्या नेत्यांशी वाटाघाटी केल्या. राज्यपातळीवर आमच्या लोकसभेच्या जागांचं वाटप झालं.