Maharashtra Assembly Election 2024 LIVE Updates : आचारसंहिता भंगकेल्याप्रकरणी विनोद तावडेंवर गुन्हा!

भाजपचे राष्ट्रीय महासचिव विनोद तावडे यांच्यावर आचारसंहिता भंग केल्याप्रकरणी गुन्हा दाखल झाला आहे. भाजपचे उमेदवार राजन नाईक यांच्यावरही आचार संहिताभंगाचा गुन्हा दाखल करण्यात आलाय. नालासोपाऱ्यात बहुजन विकास आघाडी आणि भाजप कार्यकर्त्यांमध्ये तुफान राडा झाल्याचं समोर आलं. भाजपचे राष्ट्रीय महासचिव विनोद तावडे पैसे वाटण्यासाठी या मतदारसंघात आले होते, असा आरोप बविआचे प्रमुख हितेंद्र ठाकूर यांनी केला. ही धक्कादायक घटना विवांता हॉटेलमध्ये घडली. त्या ठिकाणी बविआचे उमेदवार क्षितीज ठाकूर कार्यकर्त्यांसह पोहोचले आणि तावडेंना घेरलं. 

उद्या राज्यात विधानसभा निवडणुकीचं मतदान पार पडणार आहे, मात्र यापूर्वीच राज्यात अनेक ठिकाणी मोठा राडा होताना दिसतोय. पालघरमध्ये तर भाजप नेते विनोद तावडे यांनाच बहुजन विकास आघाडीचे अध्यक्ष हितेंद्र ठाकूर यांना घेरून घेतल्याचं समोर आलं आहे. विनोद तावडे यांना पैसे वाटताना पडकलं असून, त्यांच्यावर कारवाई झाली नाही तर त्यांना उद्या सकाळी दहा वाजेपर्यंत इथेच डांबून ठेवू असं हितेंद्र ठाकूर म्हणाले आहेत.

राज्यात उद्या 20 नोव्हेंबरला एकाच टप्प्यात विधानसभा निवडणुकीचं मतदान आहे. मात्र आता ऐन निवडणुकीच्या एक दिवस आधी एक धक्कादायक प्रकार समोर आला आहे. बोटाला शाई लावून, मतदान कार्ड जमा करुन पैसे वाटप होत असल्याचा प्रकार समोर आला आहे. यावरुन छत्रपती संभाजीनगरच्या जवाहर नगर पोलीस ठाण्याच्या हद्दीत काहीवेळ चांगलाच गोंधळ झाल्याचं समजतंय. तसंच पोलिसांनी 18 लाखांची रक्कम जमा करुन 2 कोटी सोडून दिलेत असं म्हणत संजय शिरसाट यांनी फोन केल्याचा आरोप केला आहे.