Maratha Reservation: Manoj Jarange यांनी टाकला नवा डाव, केली प्रचंड मोठी घोषणा

मनोज जरांगेंनी असा टाकला नवा डाव, सरकारला टाकलं पेचात…

‘शब्द पाळायचा, मोडायचा नाही.. किती तारीख ठरायची तुमच्या अंदाजाने.. मुंबई-मुंबईच म्हणताय.. आम्ही सहन तरी किती दिवस करायचं.. तुम्ही माझ्याकडून 30 दिवस, नंतर 40 दिवसांचा वेळ घेतला.. पुन्हा दोन महिन्यांचा वेळ घेतला होता. 24 डिसेंबरपर्यंत.. तुम्ही किती दिवस आम्हाला मूर्ख समजणार आहात.’

‘आम्हाला काय तरी मर्यादा आहे.. मला असं वाटतं.. पुढच्या आंदोलनाची दिशा ठरवायची का? तारीख पण ठरवायची का? तयारीला लागा.. तुम्ही पंधरा म्हणाले पण पंधरा नाही.. त्यांनी काय डाव टाकला ते माहितेय का तुम्हाला?’

‘त्यांनी आपल्याला नोटीसा दिला.. आणि मुंबईला 144 लागू केला कितीपर्यंत तर 18 तारखेपर्यंत.. चलो 20 जानेवारी मुंबईला.. आमरण उपोषणाला.. आमरण उपोषणाला मुंबईतील आझाद मैदानात बसणार..’ अशी घोषणाच मनोज जरांगे यांनी केली आहे.

हे ही वाचा>> Manoj Jarange: ‘तुझ्या डोक्यात गटार भरल्यासारखे किडे आहेत..’, जरांगेची भुजबळांवर जहरी टीका

‘मराठा समाजाला डिवचू नका..’

‘माझी सरकारला पुन्हा विनंती आहे.. मराठा समाजाला डिवचू नका.. यांना काय वाटलं होतं की, त्या मागे केसेस झालेल्या.. त्यांना वाटलेलं आपण भितो..’

‘त्यांनी पूर्वी आपल्याला गुंतवायचा प्रयत्न केला. त्यांनी पुन्हा एक डाव रचला.. म्हणे आपल्याला नोटीसा देऊ.. किती बधीरसारखे वागू लागले हे मंत्री लोकं.. आरक्षण आम्ही हिसकावून आणणारच..’

हे ही वाचा>> Manoj Jarange : ‘तुम्ही विचार करायचा होता ना?’, जरांगे पाटलांनी पकडलं कात्रीत

‘मराठा बांधवांना विनंती आहे.. की, तुम्ही मला 17 तारखेला शब्द दिलाय. महाराष्ट्राच्या मराठ्यांनी आंदोलन करायचं.. पण शांततेत.. शांततेच्या आंदोलनात प्रचंड ताकद आहे. म्हणून आरक्षण निर्णय प्रक्रियेत आलं आहे.’ असं म्हणत जरांगे-पाटील यांनी सरकारला देखील पेचात पकडण्याचा प्रयत्न केला आहे.