Nawab Malik Shivaji Nagar Assembly Election Results Live Updates: नवाब मलिक थेट चौथ्या क्रमांकावर, पराभव निश्चित?

नवाब मलिक चौथ्या क्रमांकावर गेल्याचं पाहायला मिळतं आहे. या मतदारसंघात त्यांच्याविरोधात सपाचे अबू आझमी आणि शिंदेंच्या शिवसेनेचे बुलेट पाटील नवाब हे त्यांच्या विरोधात निवडणूक लढत आहेत. 

नवाब मलिक यांना उमेदवारी देण्यासाठी विरोध करणाऱ्या महायुतीमधील शिवसेना आणि भाजपच्या नेत्यांनी नवाब मलिक यांचा प्रचार न करण्याची भूमिका घेतली होती. त्यांच्याविरोधात उमेदवारही शिंदेंनी दिला होता. पण त्यानंतर थेट अजित पवार यांनी नवाब मलिक यांचा प्रचार केल्याचं पाहायला मिळालं. तर महायुतीने मात्र नवाब मलिक यांच्याविरोधात प्रचार केल्यानं त्यांना किती नुकसान होईल हे पाहणं महत्वाचं असेल.

शिवाजीनगर मानखुर्द मतदारसंघात नवाब मलिक उभे आहेत. यापूर्वी ते अनुशक्तिनगरमधून आमदार होते. नवाब मलिक विजयाची मालिका सुरू ठेवणार? हा प्रश्न आता सर्वांसमोर आहे. कारण नवाब मलि यांच्याविरोधात सपा नेते अबू आझमी हे मैदानात आहेत, तर शिंदेंचे उमेदवार बुलेट पाटील हे देखील इथून लढत आहेत. या मतदारसंघामध्ये नवाब मलिक किती मतदान मिळवणार यावर सर्वांचं लक्ष आहे.