Opinion Poll : देवेंद्र फडणवीसांना बसणार जबर झटका? 'त्या' सर्व्हेत काय?

विधानसभा निवडणुकीआधी सकाळ मिडीयाने एक ओपिनियन पोल केला होता. या ओपनियन पोलनूसार विधानसभा निवडणुकीत महायुतीला 136 जागा मिळणार असल्याचा अंदाज आहे. तर महाविकास आघाडीला  152 जागा मिळण्याचा अंदाज आहे. त्यामुळे या सर्व्हेतील अंदाजानूसार महाराष्ट्रात महाविकास आघाडीचं सरकार येणार असल्याचा अंदाज आहे. 

हे ही वाचा : Ladka Bhau Yojana: तुम्हाला माहितीए 'माझा लाडका भाऊ' योजनेचं खरं नाव काय?

दरम्यान हा झाला महाराष्ट्रापुरता अंदाज आहे. आता विधानसभा निवडणुकीत विदर्भात कोणत्या आघाडीला यश येणार? आणि कोणत्या पक्षाला किती जागा मिळणार? हे जाणून घेऊयात. सर्व्हेनुसार विदर्भात महाविकास आघाडीचंच पारड जड दिसताना दिसतंय. विदर्भात महाविकास आघाडीला 35 जागा मिळण्याचा अंदाज आहे. तर महायुतीला 29 जागा मिळण्याची शक्यता आहे.
 
पक्षनिहाय सर्व्हेचा अंदाज पाहिल्यास काँग्रेस हा सर्वांत मोठा पक्ष ठरणार आहे. कारण काँग्रेसला 30 जागा मिळण्याचा अंदाज आहे. शरद पवारांच्या राष्ट्रवादीला 4 आणि शिवसेना ठाकरे गटाला एक जागा मिळण्याचा अंदाज आहे. 

हे ही वाचा : Pooja Khedkar: मोठी बातमी, IAS पूजा खेडकरांच्या आईला अटक, पोलिसांची मोठी कारवाई

विदर्भात भाजपला मोठा धक्का बसण्याचा अंदाज आहे. कारण भाजपला विदर्भात  24 जागा मिळण्याचा अंदाज आहे. तर शिंदेंच्या शिवसेनेला 1 जागा मिळण्याची शक्यता आहे. अजित पवारांच्या राष्ट्रवादीला 2 जागा मिळण्याचा अंदाज आहे. तर अन्य पक्षाला 1 जागा मिळण्याची शक्यता आहे. त्यामुळे सर्व्हेनुसार महाविकास आघाडी विदर्भात बाजी मारण्याची शक्यता आहे. विदर्भात नितीन गडकरी आणि देवेंद्र फडणवीस या दोन्ही नेत्यांची ताकद अपूरी पडण्याचा अंदाज दिसतोय. आता हेच आकडे खरे ठरतात का? हे आता निकालानंतर स्पष्ट होणार आहे.