Ind vs Aus : गिल की राहुल, पहिल्या कसोटीत रोहित शर्मासोबत कोण ओपनिंग करणार?

Ind vs NZ: शुभमन गिलची जबरदस्त फलंदाजी; द्विशतक झळकावत बनला नंबर वन!

रोहित शर्मा कोणासोबत ओपनिंग करणार?

टीम इंडियाला नागपुरात पहिला कसोटी सामना खेळायचा आहे, भारतीय संघासमोर आव्हान आहे की ऑस्ट्रेलियावर सुरुवातीपासूनच दडपण आणणे आणि कांगारू संघाला संधी देऊ नये. अशा स्थितीत नागपुरात कोणती सलामी जोडी पाहायला मिळणार, हा प्रश्न आहे. सध्याचा फॉर्म आणि भविष्यावर नजर टाकली तर टीम इंडिया शुभमन गिल रोहित शर्मासोबत ओपनिंग करु शकतो.

कारण आंतरराष्ट्रीय क्रिकेटमध्ये केएल राहुलच्या गेल्या 10 सामन्यांमध्ये 12 डावात 28.90 च्या सरासरीने 318 धावा केल्या आहेत, ज्यात त्याच्या 3 अर्धशतकांचा समावेश आहे. पण दुसरीकडे गिलने बऱ्यापैकी धावा केल्या आहेत. त्याने यावर्षी आतापर्यंत 12 आंतरराष्ट्रीय डावांमध्ये 76.90 च्या उत्कृष्ट सरासरीने सर्वाधिक 769 धावा केल्या आहेत. यादरम्यान त्याने दुहेरी शतकासह 4 शतके आणि एक अर्धशतक झळकावले.

शुभमन गिलने 2023 वर्षाची दमदार सुरुवात करत धावांचा डोंगर उभा केला. त्यामुळेच संघ व्यवस्थापनासाठी हे आव्हान आहे, कारण ज्या ठिकाणी तो धावा करत आहे, तिथे त्याला खेळायला दिले नाही तर संघ व्यवस्थापनावर प्रश्न निर्माण होऊ शकतात. विशेष म्हणजे केएल राहुल आणि शुभमन गिल या दोघांनीही क्रिकेटच्या तिन्ही फॉरमॅटमध्ये शतके झळकावली आहेत. जर संघ व्यवस्थापनाने रोहित शर्मासोबत शुभमन गिलची जोडी बनवण्याचा निर्णय घेतला तर केएल राहुलला मधल्या फळीची जबाबदारी मिळू शकते. एकदिवसीय सामन्यांमध्येही केएल राहुलने आता मधल्या फळीत फलंदाजी करण्यास सुरुवात केली आहे, अशा परिस्थितीत श्रेयस अय्यर कसोटीत तंदुरुस्त नसताना केएल राहुलला मधली फळी मजबूत करण्याची संधी आहे.

शुभमन गिलवर दडपण आणू नका, गौतम गंभीरचा सल्ला

ऑस्ट्रेलियाविरुद्धच्या पहिल्या दोन कसोटी सामन्यांसाठी भारतीय संघ: रोहित शर्मा (कर्णधार), केएल राहुल (उपकर्णधार), शुभमन गिल, पुजारा, विराट कोहली, श्रेयस अय्यर, केएस भरत (विकेटकीपर), इशान किशन (विकेटकीपर), आर. अश्विन, अक्षर पटेल, कुलदीप यादव, रवींद्र जडेजा, मोहम्मद. शमी, मोहम्मद. सिराज, उमेश यादव, जयदेव उनाडकट, सूर्यकुमार यादव.

भारत दौऱ्यासाठी ऑस्ट्रेलियाचा कसोटी संघ: पॅट कमिन्स (क), अॅश्टन आगर, स्कॉट बोलँड, अॅलेक्स कॅरी, कॅमेरॉन ग्रीन, पीटर हँड्सकॉम्ब, जोश हेझलवूड, ट्रॅव्हिस हेड, उस्मान ख्वाजा, मार्नस लॅबुशेन, नॅथन लायन, लान्स मॉरिस, टॉड मर्फी, मॅथ्यू रेनशॉ, स्टीव्ह स्मिथ (व्हीसी), मिचेल स्टार्क, मिचेल स्वीपसन, डेव्हिड वॉर्नर

ऑस्ट्रेलियाचा भारत दौरा

(कसोटी मालिकेचे वेळापत्रक) :

पहिली कसोटी – 9 ते 13 फेब्रुवारी, नागपूर

दुसरी कसोटी – 17 ते 21 फेब्रुवारी, दिल्ली

तिसरी कसोटी – 1 ते 5 मार्च, धर्मशाला

चौथी कसोटी – 9 ते 13 मार्च, अहमदाबाद