KKR vs SRH Final : कोलकत्ताने तिसऱ्यांदा IPL च्या ट्रॉफीवर कोरलं नाव, सनरायझर्स हैदराबादचा उडवला धुव्वा

चेन्नईच्या चेपॉक स्टेडियमवर हैदराबादचा कर्णधार पॅट कमिन्स यानं नाणेफेक जिंकून प्रथम फलंदाजीचा निर्णय घेतला. मात्र प्रथम फलंदाजी करून देखील हैदराबादला मोठी धावसंख्या उभारता आली नाही. हैदराबादकडून फक्त कर्णधार पॅट कमिन्सने 25 धावा केल्या. बाकी सगळे खेळाडू 20 धावांच्या आत आऊट झाले होते. त्यामुळे हैदराबाद 18.3 ओव्हरमध्ये 113 धावांवर ऑल आऊट झाली होती. 

हे ही वाचा : विजेत्या संघावर होणार पैशांचा पाऊस, उपविजेत्याला काय मिळणार?

हैदराबादने दिलेल्या या आव्हानांचा पाठलाग करायला उतरलेल्या कोलकत्ताने 10 ओव्हर 3 बॉलमध्ये हे आव्हान सहजरीत्या पुर्ण केले. कोलकत्ताकडून व्यंकटेश  अय्यरने 52 धावांची नाबाद खेळी केली. तर रहमनुल्लाह गुरबाजने 39 धावा केल्या आणि सुनील नरीन आणि श्रेयस अय्यरने प्रत्येकी 6 धावा केल्या. त्यामुळे 8 विकेट राखून कोलकत्ताने हैदराबादचा पराभव केला. 

दरम्यान या आधी कोलकाता नाईट रायडर्सने दोन वेळा चषकावर नाव कोरले होते.  2012 आणि 2014 च्या हंगामात गौतम गंभीरच्या नेतृत्वात कोलकाता नाईट रायडर्सने चषकावर नाव कोरले होते.आता 2024 साली ट्रॉफी उंचावून कोलकत्ताने विजयाची हँट्ट्रीक साधली आहे. या विजयाचे संपुर्ण श्रेय गौतम गंभीरला जाते.