पोलार्डचं विक्रमी वादळ ! एका ओव्हरमध्ये ठोकले ६ सिक्स

श्रीलंकेने विजयासाठी दिलेलं १३२ रन्सचं आव्हान वेस्ट इंडिजने पोलार्डच्या घणाघाती खेळीच्या जोरावर पूर्ण केलं. अकिला धनंजयसाठी हा सामना लक्षात राहणारा ठरला. १३२ सारख्या छोट्या आव्हानाचा पाठलाग करताना धनंजयने हॅटट्रीक घेत वेस्ट इंडिजचा बॅकफूटला ढकललं.

३ बाद ५२ अशी वेस्ट इंडिजची अवस्था झाल्यानंतर श्रीलंकेला विजयाच्या आशा वाटत होत्या. परंतू पोलार्डने धनंजयच्या एकाच ओव्हरमध्ये ६ सिक्सर लगावत श्रीलंकेच्या स्वप्नांवर पाणी फिरवलं. अखेरीस ३८ रन्स करुन पोलार्ड आऊट झाला. पण यानंतर जेसन होल्डर आणि ड्वेन ब्राव्हो यांनी वेस्ट इंडिजच्या विजयावर शिक्कामोर्तब केलं.