पाकिस्तान विरुद्ध सामना जिंकुनही रोहित-विराट का ठरत आहेत ‘खलनायक’?

सीनियर खेळाडू ठरत आहेत ‘खलनायक’

रोहित शर्मा कर्णधार बनल्यानंतर टीम इंडियाने टी-20 खेळण्याच्या पद्धतीत काही बदल केले आहेत. आता भारत फक्त आक्रमण क्रिकेट खेळत आहे, परंतु या रणनीतीतील सर्वात कमकुवत दुवा म्हणजे टीम इंडियाचे वरिष्ठ खेळाडू आहेत. म्हणजेच रोहित शर्मा, केएल राहुल आणि विराट कोहली हे तिघेही टी-20 क्रिकेटमध्ये खराब फॉर्ममध्ये आहेत.

पाकिस्तानविरुद्धही हे तिन्ही खेळाडू सपशेल फ्लोप ठरले आणि भारताचे टॉप-3 फलंदाज अवघ्या 53 धावांवर पॅव्हेलियनमध्ये परतले. एकेकाळी भारताची फलंदाजी पूर्णपणे टॉप-3 वर अवलंबून होती, त्यानंतर मधल्या फळीतील फलंदाज येताच फलंदाजी करू शकत होते.पण आता भारताचे टॉप-3 फलंदाज अडचण करत आहेत, अशा स्थितीत मधल्या फळीतील फलंदाज डाव सांभाळण्यात व्यस्त असून धावांचा वेग वाढवण्यावर भर देत आहे. त्यामुळेच सूर्यकुमार यादव, हार्दिक पंड्या, ऋषभ पंत, दिनेश कार्तिक या फलंदाजांची जबाबदारी वाढली आहे.

T-20 मधील तीनही फलंदाजांचे शेवटचे पाच डाव’

• रोहित शर्मा: 12, 33, 11*, 0, 64

• विराट कोहली: 35, 11, 1, 52, 17

• केएल राहुल: 0, 65, 15, 54 *, 50

संघाच्या रणनीतीवरती प्रश्नचिन्ह

रोहित शर्माने पाकिस्तानविरुद्ध ऋषभ पंतला बाहेर बसवून सर्वांना आश्चर्यचकित केले. त्यांच्या या निर्णयाचे कौतुकही झाले, पण रणनीतीवरही प्रश्न उपस्थित केले गेले. कारण 3 विकेट पडल्यानंतर टीम इंडियाकडे एकही चांगला फलंदाज उरला नव्हता, पाकिस्तानविरुद्ध अष्टपैलू रवींद्र जडेजा कामी आला आणि त्याला चौथ्या क्रमांकावर फलंदाजीसाठी पाठवावे लागले.

प्रतिस्पर्धी संघाला अडचणीत आणण्यासाठी डाव्या-उजव्या हाताच्या फलंदाजांची जोडी क्रीझवर असेल, तर संघाचे काम सोपे होते. पण टीम इंडियाला इथे ऋषभ पंतची नक्कीच उणीव जाणवली.

गोलंदाजीत सर्व काही ठीक आहे का?

पाकिस्तानविरुद्धच्या सामन्यात भुवनेश्वर कुमार आणि हार्दिक पांड्या या जोडीने कमाल केली. दोघांनी मिळून सात विकेट घेतल्या, आश्चर्यकारक गोष्ट म्हणजे भारताच्या सर्व दहा विकेट वेगवान गोलंदाजांनी घेतल्या. मात्र, त्यादिवशी फिरकीपटूंना काही चमत्कार करता आला नाही. युझवेंद्र चहल आणि रवींद्र जडेजाने पाकिस्तानविरुद्ध 6 षटके टाकली, एकही विकेट न घेता 43 धावा दिल्या. अशा परिस्थितीत टीम इंडियाला पुढील रणनीतीचा विचार करावा लागेल, कर्णधार रोहित शर्मा हॉंगकॉंगविरुद्ध वरिष्ठ खेळाडू रविचंद्रन अश्विनला खेळवायची जोखीम पत्करेल का? असा प्रश्न आहे.