Kojagiri Purnima 2024: 'चांद पुनवचा'! आज कोजागिरी पौर्णिमा... जाणून घ्या शुभ मुहूर्त, पूजा विधी

कोजागरी पौर्णिमेचा शुभ मुहूर्त कधी?

कोजागरी पौर्णिमा म्हणजेच अश्विन शुक्ल पौर्णिमा आज बुधवार 16 ऑक्टोबर रोजी रात्री 8:40 ते गुरुवार 17 ऑक्टोबर सायंकाळी 4:55 पर्यंत आहे. कोजागरी पौर्णिमेला लक्ष्मीपूजनासाठी निशिता मुहूर्त ओळखला जातो. कोजागरी लक्ष्मी पूजनाचा निशिता मुहूर्त 16 ऑक्टोबरला प्राप्त होत आहे, त्यामुळे आज, बुधवार 16 ऑक्टोबर रोजी कोजागरी पौर्णिमा साजरी होणार आहे.

हेही वाचा : Eknath Shinde : "लाडक्या बहिणींना टच कराल, तर...", CM एकनाथ शिंदेंनी दिला मोठा इशारा

16 ऑक्टोबर रोजी कोजागरी पौर्णिमेच्या रात्री लक्ष्मीपूजनाचा शुभ मुहूर्त 11.42 ते 12.32 असा आहे. कोजागरी पौर्णिमेच्या रात्री लक्ष्मी देवीच्या पूजेसाठी 50 मिनिटांचा शुभ मुहूर्त उपलब्ध आहे.

कोजागरी पौर्णिमा 2024 चंद्रोदय वेळ

कोजागरी पौर्णिमेला संध्याकाळी 5:05 वाजता चंद्रोदय आहे. त्यावेळी चंद्र मीन आणि रोहिणी नक्षत्रात असेल.

कोजागरी पौर्णिमेला रवि योग

यंदा कोजागरी पौर्णिमेच्या दिवशी रवियोग तयार होत आहे. सकाळी 6:23 पासून तयार होत आहे, जो संध्याकाळी 07:18 पर्यंत चालेल.

कोजागरी पौर्णिमा 2024 लक्ष्मी पूजा मंत्र

ॐ श्रीं ह्रीं श्रीं कमले कमलालये प्रसीद ॐ श्रीं ह्रीं श्रीं महालक्ष्मयै नम:.

कोजागरी पौर्णिमा पूजा विधी

कोजागरी पौर्णिमेला निशिता मुहूर्तावर लक्ष्मीची पूजा करा. सर्व प्रथम, घर स्वच्छ करा. संध्याकाळी लक्ष्मी देवीसाठी सात मुखी दिवा लावा. लक्ष्मी देवीची मूर्ती पूजेच्या ठिकाणी लाकडी पाटावर स्थापित करा. लक्ष्मीला अक्षता, लाल सिंदूर, लाल गुलाब, कमळाची फुले, कमळगट्टा, पिवळ्या कवड्या, धूप, दिवा, सुगंध, नैवेद्य इत्यादी अर्पण करा. या दरम्यान लक्ष्मी मंत्राचा जप करावा. देवी लक्ष्मीला दुधापासून बनवलेला कोणताही पांढरा गोड पदार्थ अर्पण करा.

हेही वाचा : Gold Price : सोन्याचे भाव अजूनही आवाक्याबाहेरच! आज 1 तोळ्याच्या किंमतीत घट की वाढ?

आता तुम्ही लक्ष्मी मंत्राचा जप करा. श्री लक्ष्मी चालीसा, श्री सूक्त, कनकधारा स्तोत्र इत्यादी पठण करा. शंख आणि घंटा यांच्या आवाजाने लक्ष्मी देवीची आरती करा. तुमच्या मनोकामना पूर्ण होण्यासाठी देवी लक्ष्मीची प्रार्थना करा.