'मी तुझ्याकडे भीक मागतो...' निशांतने अपूर्वाला लिहलं पत्र अन् उचललं टोकाचं पाऊल, हादरवून टाकणारी घटना

हे ही वाचा >> Kolhapur : पत्नीसोबतचा वाद टोकाला, पतीनं पोलीस स्टेशनमध्येच स्वत:ला पेटवून घेतलं, थरार कॅमेऱ्यात कैद

आत्महत्या करण्यापूर्वी कर्मचाऱ्यानं ही चिठ्ठी आपल्या कंपनीच्या वेबसाईटवर अपलोड केली, ज्यामधून संपूर्ण प्रकार समोर आला. "हे अपूर्वासाठी आहे, हाय बेबी.. तू हे वाचशील तेव्हा मी मेलेलो असेन.' माझ्या शेवटच्या क्षणी काहीही झालं तरी, मी तुझा द्वेष करू शकलो असतो पण या क्षणासाठी मी प्रेम निवडलं. मी आधीही तुझ्यावर प्रेम करत होतो, आताही तुझ्यावर प्रेम करतो. आणि मी वचन दिल्याप्रमाणे, हे प्रेम कधीही कमी होणार नाही. माझ्या आईला माहिती आहे की, मी ज्या सर्व त्रासाला तोंड दिलं आहे त्यात तू आणि प्रार्थना काकू माझ्या मृत्यूचं कारण आहात. म्हणूनच मी तुम्हाला विनंती करतो, माझ्या आईकडे जाऊ नका, तिचं मन दुखावलं, तिला एकटीलाच दुःख सहन करू द्या...

निशांत यांनी पत्नी अपूर्वाला हे शेवटचं पत्र लिहिलंय. पोलिसांकडून मिळालेल्या माहितीनुसार, निशांतने आत्महत्या करण्याच्या 3 दिवस आधी हॉटेलमध्ये एक खोली बुक केली होती आणि आत्महत्येच्या दिवशी त्यानं बाहेर 'डू नॉट डिस्टर्ब' असा बोर्डही लावला होता.

पत्नी आणि तिच्या मावशीविरुद्ध गुन्हा दाखल

या घटनेनंतर निशांत त्रिपाठीच्या आईने मुंबईतील विमानतळ पोलिस स्टेशनमध्ये तक्रार दाखल केली. आत्महत्येनंतर, पोलिसांनी प्रथम एडीआर दाखल केला आणि नंतर, आईच्या तक्रारीवरून, निशांतची पत्नी अपूर्वा पारीक आणि त्याची मावशी प्रार्थना मिश्रा यांच्याविरुद्ध बीएनएसच्या कलम 108 अंतर्गत गुन्हा दाखल करण्यात आली.

हे ही वाचा >> Pune: काकूसोबत अनैतिक संबंध, पण अचानक बिबट्याच्या हल्ल्याचा अँगल का आला मधे?
 

पीडित निशांतची आई कानपूरची रहिवासी आहे. निशांत अ‍ॅनिमेशन क्षेत्रात काम करत होता. तो पालघर जिल्ह्यातील विरारचा रहिवासी असून, पत्नीकडून छळ होत असल्यानं आत्महत्या करण्यापूर्वी तो काही दिवसांपूर्वी मुंबईतील एका हॉटेलमध्ये राहायला गेला होता.

दरवाजावर लावला 'डू नॉट डिस्टर्ब'चा बोर्ड

28 फेब्रुवारी रोजी निशांतने त्याच्या खोलीच्या दरवाजावर 'डू नॉट डिस्टर्ब' असा बोर्ड लावला आणि बाथरूममध्ये गळफास घेऊन आत्महत्या केली. बराच वेळ झाल्यानंतर त्यानं हॉटेल कर्मचाऱ्यांना प्रतिसाद न दिल्यामुळे, हॉटेल कर्मचाऱ्यांनी मास्टर की वापरून त्याच्या खोलीत प्रवेश केला. तेव्हा निशांत दोरीला हुकला लटकलेले आढळले. माहिती मिळताच विमानतळ पोलिसांनी घटनास्थळी पोहोचून मृतदेह शवविच्छेदनासाठी पाठवला.

सुसाईड नोटच्या शेवटी लिहिलेली होती कविता

तपासादरम्यान, पोलिसांना एक सुसाईड नोट सापडली जी निशांतने त्याच्या कंपनीच्या वेबसाइटवर अपलोड केली होती आणि त्यावर पासवर्ड देखील टाकला होता. निशांतने त्याच्या सुसाईड नोटच्या शेवटी एक कविता लिहिली, ज्यामध्ये त्याने त्याच्या पत्नीवरील प्रेम व्यक्त केले आणि तिच्या मृत्यूसाठी तिला आणि तिच्या काकूला जबाबदार धरले. निशांतच्या आईच्या तक्रारीवरून, मुंबई विमानतळ पोलिसांनी गुन्हा दाखल केला आहे आणि सध्या तपास सुरू आहे.