Pushpak Train Accident LIVE Updates : जळगावमध्ये मोठी रेल्वे दुर्घटना, अनेक प्रवाशांचा मृत्यू, नेमकं घडलं तरी काय?
जळगावमध्ये मोठी रेल्वे दुर्घटना झाल्याने एकच खळबळ उडाली आहे. जळगावहून मुंबईला निघालेल्या पुष्पक एक्स्प्रेसला आग लागल्याच्या भीतीनं अनेक प्रवाशांनी ट्रॅकवर उड्या मारल्या.
ADVERTISEMENT
Pushpak Express Railway Accident : जळगावमध्ये मोठी रेल्वे दुर्घटना झाल्याने एकच खळबळ उडाली आहे. जळगावहून मुंबईला निघालेल्या पुष्पक एक्स्प्रेसला आग लागल्याच्या भीतीनं अनेक प्रवाशांनी ट्रॅकवर उड्या मारल्या. परंतु, दुर्देवाने समोरून येणाऱ्या बंगळुरु एक्स्प्रेसने या प्रवाशांना उडवल्यानं त्यांचा मृत्यू झाला आहे. मृत्यू झालेल्या प्रवाशांची संख्या अधिकृतपणे जाहीर करण्यात आली नाही. पण या अपघातात जवळपास 11 प्रवासी मृत पावल्याचं समजते. तर 40 प्रवाशांना उपचारासाठी जळगाव सिव्हिल रुग्णालयात दाखल करण्यात आलं आहे. . मिळालेल्या माहितीनुसार, पुष्पक एक्स्प्रेस मुंबईला निघाली होती. जळगाव स्टेशन सोडल्यानंतर परांडा स्टेशनच्या आधी गाडीने ब्रेक दाबल्यानंतर चाकांचे घर्षण झाल्याने आगीच्या ठिणग्या उडाल्या. काही प्रवासी दरवाज्यात बसले होते. त्यांना वाटलं आग लागली. आग लागली म्हणून प्रवासी ओरडू लागले. त्यामुळे लोकांनी ट्रेनच्या विरुद्ध दिशेला उड्या मारल्या. पण समोरून बंगळुरु एक्स्प्रेस येत होती. त्या ट्रेनखाली काही लोकांचा मृत्यू झाला.
- 07:58 PM • 22 Jan 2025
Jalgaon Train Accident News Live: 'अपघाताची घटना अतिशय दुर्देवी, तातीडनं मदतकार्य सुरुय' - CM फडणवीस
"जळगाव जिल्ह्यातील पाचोरानजीक एका अत्यंत दुर्दैवी घटनेत काही लोकांचा मृत्यू झाल्याची घटना अतिशय वेदनादायी आहे. मी त्यांना भावपूर्ण श्रद्धांजली अर्पण करतो. माझे सहकारी मंत्री गिरीश महाजन तसेच पोलिस अधीक्षक हे घटनास्थळी पोहोचले असून, जिल्हाधिकारी काही वेळात तेथे पोहोचत आहेत. संपूर्ण जिल्हा प्रशासन रेल्वे प्रशासनाशी समन्वयाने काम करीत असून, जखमींच्या उपचारासाठी तातडीने व्यवस्था करण्यात येत आहेत. 8 रुग्णवाहिका रवाना करण्यात आल्या आहेत. सामान्य रुग्णालय तसेच नजीकच्या इतर खाजगी रुग्णालयांना जखमींवर उपचारासाठी सज्ज ठेवण्यात आले आहे. ग्लासकटर, फ्लडलाईट्स इत्यादी आपातकालिन यंत्रणा सुद्धा सज्ज ठेवण्यात आल्या आहेत. संपूर्ण स्थितीवर आम्ही लक्ष ठेऊन असून, आवश्यक ती सर्व मदत तातडीने पुरविण्यात येत आहे. मी जिल्हा प्रशासनाच्या संपर्कात आहे. मृताच्या कुटुंबियांना पाच लाखांची मदर देण्यात येत आहे.", अशी मोठी प्रतिक्रिया मुख्यमंत्री देवेंद्र फडणवीस यांनी दिलीय.
- 07:54 PM • 22 Jan 2025
Jalgaon Train Accident News Live: रेल्वे मंत्रालयाकडून उच्चस्तरीय चौकशी होईलच- चंद्रशेखर बावनकुळे
"जळगाव येथे पुष्पक एक्सप्रेस बाबत झालेली दुर्घटना मनाला हेलावून टाकणारी आहे. या दुर्घटनेत ज्या कुणी अफवा पसरवली असेल, त्याची रेल्वे मंत्रालयाकडून निश्चित उच्चस्तरीय चौकशी होईलच.. पण सध्या राज्य सरकार यासंदर्भात तातडीने युद्धपातळीवर बचावकार्य करीत आहे. जखमींना तात्काळ उपचार देण्याचे आदेश सरकारने दिले आहेत. मुख्यमंत्री आदरणीय देवेंद्र फडणवीस दावोस दौऱ्यावर असले तरी या दुर्घटनेबाबत लक्ष ठेवून आहेत. या दुर्घटनेत मृत पावलेल्या प्रवाशांच्या नातेवाईकांवर ओढवलेल्या या दुःखात महायुती सरकार त्यांच्यासोबत आहे", अशी प्रतिक्रिया भाजपचे नेते आणि मंत्री चंद्रशेखर बावनकुळे यांनी ट्वीटरवर दिलीय.
- 07:50 PM • 22 Jan 2025
Jalgaon Train Accident News Live: रेल्वे अपघाताची दुर्दैवी घटना मन सुन्न करणारी...विजय वडेट्टीवार ट्वीटरवर काय म्हणाले?
"जळगावजवळ पाचोरा येथे पुष्पक एक्स्प्रेस मधील प्रवाशांनी भीतीने गाडीतून उड्या मारल्याने समोरून येणाऱ्या ट्रेनने धडक दिल्याने भीषण अपघात झाला झाल्याची दुर्दैवी घटना मन सुन्न करणारी आहे. या दुर्दैवी घटनेत आतापर्यंत आठ प्रवाशांचा मृत्यू झाला असून १२ प्रवासी जखमी झाल्याची माहिती मिळत आहे. या अपघाताने अनेक कुटुंबांवर दुःखाचा डोंगर कोसळला आहे. दुर्घटनेतील मृतांना भावपूर्ण श्रद्धांजली अर्पण करतो. जखमी प्रवाश्यांना उपचारासाठी आवश्यक सर्व सुविधा सरकारने तातडीने उपलब्ध करून द्यावे. तसेच मृतांच्या कुटुंबीयांना आर्थिक मदत उपलब्ध करून द्यावी. रेल्वे प्रशासनाने या घटनेची चौकशी करून भविष्यात अशा घटना टाळण्यासाठी योग्य ती पावले उचलावी", अशी प्रतिक्रिया काँग्रेसचे आमदार विजय वडेट्टीवार यांनी ट्वीटरवर दिलीय.
- 06:47 PM • 22 Jan 2025
Jalgaon Train Accident News Live: जळगावमध्ये ट्रेन अपघात! बंगळुरु एक्स्प्रेसने प्रवाशांना चिरडलं
जळगावमध्ये मोठी रेल्वे दुर्घटना झाल्याने एकच खळबळ उडाली आहे. जळगावहून मुंबईला निघालेल्या पुष्पक एक्स्प्रेसला आग लागल्याच्या भीतीनं अनेक प्रवाशांनी ट्रॅकवर उड्या मारल्या. परंतु, दुर्देवाने समोरून येणाऱ्या बंगळुरु एक्स्प्रेसने या प्रवाशांना उडवल्यानं त्यांचा मृत्यू झाला आहे. मृत्यू झालेल्या प्रवाशांची संख्या अधिकृतपणे जाहीर करण्यात आली नाही. पण या अपघातात जवळपास 10 प्रवासी मृत पावल्याचं समजते. एक्सप्रेसला आग लागण्याच्या भीतीने पुष्पक एक्सप्रेसमधून प्रवाशांनी उड्या मारल्या.
