Mukhyamantri Mazi Ladki Bahin Yojana Hamipatra PDF: माझी लाडकी बहीण योजनेच्या हमीपत्रातील 10 Tick आहेत तरी काय?
Mazi Ladki Bahin Yojana Hamipatra Pdf 10 conditions: माझी लाडकी बहीण या योजनेसाठी हमीपत्र हे सर्वात महत्त्वाचं आहे. पण त्या हमीपत्रातील 10 अटी मान्य असणाऱ्या महिलांनाच 1500 रुपये मिळणार आहेत.
ADVERTISEMENT
बातम्या हायलाइट
माझी लाडकी बहीण योजनेसाठी हमीपत्र अत्यंत महत्त्वाचं
हमीपत्रात देण्यात आल्या आहेत 10 अटी
जाणून घ्या माझी लाडकी बहीण योजनेचं हमीपत्र कसं भरायचं
Mazi Ladki Bahin Yojana Hamipatra Pdf Download and 10 conditions: मुंबई: मुख्यमंत्री माझी लाडकी बहीण योजना ही राज्यातील महिलांचं आर्थिक सक्षमीकरण करण्यासाठी शिंदे सरकारने सुरू केलेली योजना आहे. ज्यामध्ये महिलांना दरमहा 1500 देण्यात येत आहे. त्यापैकी पहिल्या दोन महिन्यांचे मिळून 3000 रुपये देण्यातही आले आहेत. पण या योजनेचा लाभ घेण्यासाठी महिलांना जो अर्ज करावा लागत आहे त्यासोबत हमीपत्र देखील जोडावं लागत आहे. ज्यामध्ये 10 अटीही आहेत. त्यासमोर बरोबर अशी खूण (Tick) केल्यानंतरच तुमचा अर्ज वैध ठरणार आहे. (what if there are 10 conditions in the hamipatra of mazi ladki bahin yojana)
माझी लाडकी बहीण काय योजना आहे?
माझी लाडकी बहीण योजना हा महाराष्ट्रातील कमी उत्पन्न असलेल्या कुटुंबातील महिलांना पैसे देणारी योजना आहे. या महिलांना आर्थिकदृष्ट्या सक्षम होण्यास मदत करणे आणि त्यांना नियमित मासिक उत्पन्न देऊन त्यांचे जीवनमान सुधारणे हे त्याचे मुख्य उद्दिष्ट आहे.
हे ही वाचा>> Mazi Ladki Bahin Yojana In Review Problem: माझी लाडकी बहीण योजनेचा अर्ज फक्त 2 मिनिटांत होईल मंजूर, फक्त...
लाडकी बहीण योजना हमीपत्र PDF कसं डाउनलोड करावं?
योजनेसाठी अर्ज करण्यासाठी, तुम्हाला माझी लाडकी बहीण योजनेचं PDF डाउनलोड करावं लागेल.
हे वाचलं का?
ADVERTISEMENT
महाराष्ट्र सरकारच्या अधिकृत वेबसाइटला किंवा माझी लाडकी बहीण योजनेच्या विशिष्ट पोर्टलला भेट द्या.
फॉर्म आणि डाउनलोड यावर क्लिक करा.
ADVERTISEMENT
माझी लाडकी बहीण योजना हमीपत्र PDF लिंक शोधा.
ADVERTISEMENT
PDF डाउनलोड करण्यासाठी लिंकवर क्लिक करा.
- हमीपत्र येथून करा डाऊनलोड- View PDF
हे ही वाचा>> Mazi Ladki Bahin Aadhaar Card: 'ही' चूक असेल तर 1500 रुपये विसरा, चटकन 'हा' करुन घ्या बदल!
माझी लाडकी बहीण योजनेसाठी हमीपत्रातील 10 अटी ज्यासमोर करावी लागेल Tick, पाहा नेमकं हमीपत्रात काय आहे...
“मुख्यमंत्री - माझी लाडकी बहीण" योजना अर्ज
अर्जदाराचे हमीपत्र
मी घोषित करते की, ( अशी खूण करा)
1. माझ्या कुटुंबाचे एकत्रित वार्षिक उत्पन्न रु.2.50 लाख रुपयांपेक्षा अधिक नाही.
2. माझ्याकडे उत्पन्न प्रमाणपत्र नसल्याने मला पिवळे किंवा केशरी रेशनकार्ड आधारे उत्पन्न प्रमाणपत्रातून सूट देण्यात यावी.
3. माझ्या कुटुंबातील सदस्य आयकरदाता नाही.
4. मी स्वत: किंवा माझ्या कुटुंबातील सदस्य नियमित / कायम कर्मचारी म्हणून सरकारी विभाग / उपक्रम / मंडळ/भारत सरकार किंवा राज्य सरकारच्या स्थानिक संस्थेमध्ये कार्यरत नाही किंवा सेवानिवृत्तीनंतर निवृत्तीवेतन घेत नाही.
5. मी बाह्य यंत्रणांद्वारे कार्यरत असलेली कर्मचारी / स्वयंसेवी कामगार / कंत्राटी कर्मचारी असून माझे उत्पन्न रु.2.50 लाख पेक्षा कमी आहे.
6. मी शासनाच्या इतर विभागामार्फत राबविण्यात येणाऱ्या दरमहा रु. 1,500/- किंवा त्यापेक्षा अधिक रकमेचा आर्थिक योजनेचा लाभ घेतलेला नाही.
7. माझ्या कुटुंबातील सदस्य विद्यमान किंवा माजी खासदार / आमदार नाही.
8. माझ्या कुटुंबातील सदस्य भारत सरकार किंवा राज्य सरकारच्या बोर्ड / कॉर्पोरेशन / बोर्ड / उपक्रमाचे अध्यक्ष/उपाध्यक्ष / संचालक/ सदस्य नाहीत.
9. माझ्याकडे किंवा माझ्या कुटुंबातील सदस्यांच्या नावावर चारचाकी वाहने (ट्रॅक्टर वगळून) नोंदणीकृत नाहीत.
10. माझ्या कुटुंबात एकापेक्षा जास्त अविवाहित महिलेने या योजनेचा लाभ घेतलेला नाही.
मी वरीलप्रमाणे घोषित करते की, "मुख्यमंत्री - माझी लाडकी बहीण " योजना संबंधित पोर्टल पवर आधार क्रमांक आधारित प्रमाणीकरण प्रणाली सोबत स्वतःला प्रमाणित करण्यास व आधार आधारित प्रमाणीकरणानंतर माझा आधार क्रमांक, बायोमेट्रीक किंवा वन टाइम पीन (OTP) माहिती प्रदान करण्याची सहमती देण्यात माझी हरकत नसेल. मी हे देखील सहमती देते की, "मुख्यमंत्री-माझी लाडकी बहीण " योजना माझी ओळख पटवण्यासाठी व प्रमाणित करण्यासाठी माझ्या आधार क्रमांकाचा वापर करु शकतात. मी केवळ शासकीय सेवा व योजनांचे लाभ प्राप्त करण्याच्या उद्देशाने अन्य राज्य किंवा केंद्र शासनाच्या विभागांशी माझे आधार ई-केवायसी (e-KYC) वर्णन पुरवण्यास सहमती देत आहे.
स्थळ-
दिनांक-
(अर्जदाराची सही व नाव)
नोट- 1. अर्ज ऑनलाईन पद्धतीने सफलतापूर्वक प्रविष्ठ झाल्यानंतर SMS द्वारे कळवण्यात येईल.
ADVERTISEMENT