महाराष्ट्र विधिमंडळाचं हिवाळी अधिवेशन नागपूरऐवजी ‘इथं’ होणार, किती दिवस होणार अधिवेशन?
मुंबई: राज्याचं हिवाळी अधिवेशन हे नागपूरऐवजी मुंबईतच पार पडणार आहे. विधिमंडळाचे यंदाचं हिवाळी अधिवेशन 22 डिसेंबर ते 28 डिसेंबर 2021 दरम्यान मुंबईत होणार आहे. विधिमंडळ कामकाज सल्लागार समितीच्या बैठकीत हा निर्णय घेण्यात आला आहे. या बैठकीत अधिवेशनाचे कामकाज एक आठवड्याचे निश्चित करण्यात आले असून पुढील कामकाजासंदर्भात विधिमंडळ कामकाज सल्लागार समितीची बैठक 24 डिसेंबर 2021 रोजी […]
ADVERTISEMENT
![महाराष्ट्र विधिमंडळाचं हिवाळी अधिवेशन नागपूरऐवजी ‘इथं’ होणार, किती दिवस होणार अधिवेशन? Mumbaitak](https://akm-img-a-in.tosshub.com/lingo/mumbaitak/images/story/202301/vidhansabha.png?size=948:533)
मुंबई: राज्याचं हिवाळी अधिवेशन हे नागपूरऐवजी मुंबईतच पार पडणार आहे. विधिमंडळाचे यंदाचं हिवाळी अधिवेशन 22 डिसेंबर ते 28 डिसेंबर 2021 दरम्यान मुंबईत होणार आहे. विधिमंडळ कामकाज सल्लागार समितीच्या बैठकीत हा निर्णय घेण्यात आला आहे.
या बैठकीत अधिवेशनाचे कामकाज एक आठवड्याचे निश्चित करण्यात आले असून पुढील कामकाजासंदर्भात विधिमंडळ कामकाज सल्लागार समितीची बैठक 24 डिसेंबर 2021 रोजी घेऊन पुढील निर्णय घेण्यात येणार आहे.
विधानभवनात आयोजित करण्यात आलेल्या बैठकीला विधान परिषदेचे सभापती रामराजे नाईक-निंबाळकर, विधानसभा उपाध्यक्ष नरहरी झिरवाळ, विधान परिषद उपसभापती डॉ. नीलम गोऱ्हे (दूरदृश्य प्रणालीद्वारे), उपमुख्यमंत्री अजित पवार हे हजर होते.
हे वाचलं का?
ADVERTISEMENT
याशिवाय संसदीय कार्य मंत्री ॲड. अनिल परब, महसूल मंत्री बाळासाहेब थोरात, जलसंपदा मंत्री जयंत पाटील, नगरविकास मंत्री एकनाथ शिंदे, गृहमंत्री दिलीप वळसे-पाटील, विधान परिषदेचे विरोधी पक्षनेते प्रवीण दरेकर, विधानसभेचे विरोधी पक्षनेते देवेंद्र फडणवीस, संसदीय कार्य राज्यमंत्री संजय बनसोडे, विधीमंडळ कामकाज सल्लागार समितीचे सदस्य, संबंधित अधिकारी देखील उपस्थित होते.
अधिवेशन कालावधीत लसीकरण पूर्ण म्हणजे कोव्हिड-19 प्रतिबंधात्मक लसीच्या दोन्ही मात्रा (डोस) घेतलेल्यांनाच प्रवेश तसेच आरटीपीसीआर चाचणी देखील अनिवार्य करण्यात आले आहे.
ADVERTISEMENT
दर आठवड्याला ही चाचणी होणार आहे. मंत्री, राज्यमंत्री यांच्या सोबत केवळ एकाच अधिकाऱ्याला प्रवेश दिला जाणार असून विधानमंडळ सदस्यांचे स्वीय, सहायक, वाहनचालकांसाठी विधान भवनाच्या बाहेरील प्रांगणात स्वतंत्र व्यवस्था राहणार आहे.
ADVERTISEMENT
ठाकरे सरकारची द्विवर्षपूर्ती ते भाजपतील घडामोडींचा अर्थ! पहा फडणवीसांची विशेष मुलाखत
या काळात खासगी व्यक्तींना प्रवेश दिला जाणार नाही. या बैठकीत कामकाजाचा दिनक्रम, लक्षवेधी, प्रश्नोत्तरे आदींबाबत चर्चा झाली.
ADVERTISEMENT