Sachin Tendulkar : सचिनने भन्नाट किस्से सांगितले, राज ठाकरे ऐकत राहिले...

आज शिवाजी पार्क मैदानात भारतीय क्रिकेटमधले प्रसिद्ध प्रशिक्षक रमाकांत आचरेकर यांच्या स्मृती स्मारकाचं उद्घाटन राज ठाकरे आणि भारतरत्न सचिन तेंडुलकर यांच्या हस्ते पार पडले. राज ठाकरेंनी या स्मारकासाठी राज्य सरकारकडे विशेष प्रयत्न केले होते. रमाकांत आचरेकर भारतीय क्रिकेटमध्ये द्रोणाचार्य समान मानले जातात. त्यांनी सचिन तेंडुलकरसह अनेक खेळाडूंना घडवलं आहे. शिवाजी पार्क हे मुंबईतील ऐतिहासिक क्रिकेट मैदान आहे आणि आचरेकर यांच्या कार्याचा गौरव करण्यासाठी हे स्मारक उभारण्यात आलं आहे. स्मारकाच्या उद्घाटन सोहळ्याला क्रिकेट प्रेमींनी मोठ्या संख्येने उपस्थिती लावली होती. आचरेकर यांच्या जीवनावर आणि क्रिकेटमधल्या त्यांच्या महान योगदानावर यावेळी चर्चा करण्यात आली. या स्मारकामुळे त्यांची स्मृती सदैव जीवंत राहील. क्रिकेटशी संबंधित व्यक्तिमत्वांनी या कार्यक्रमाचे कौतुक केले आणि आचरेकर यांच्या योगदानाचे महत्व पटवून दिलं. सचिन तेंडुलकर यांनी या प्रसंगी त्यांचे आचरेकर सरांशी असलेले खास नाते शेअर केले, ज्यामुळे उपस्थितांमध्ये भावनिक वातावरण निर्माण झाले.