18th Lok Sabha Live : एनडीए सरकारची 'परीक्षा'; अधिवेशन वादळी ठरणार

Lok Sabha first Session Live : १८व्या लोकसभेचे पहिले अधिवेशन आजपासून सुरू होत आहे. खासदारांचा शपथविधी, लोकसभा अध्यक्षांची निवड अधिवेशनात होणार असून, देशभरात गाजत असलेल्या पेपर फुटीच्या प्रकरणांवरून सरकारचीच 'परीक्षा' असणार आहे. 

18व्या लोकसभेचे पहिले अधिवेशन सुरू. वाचा लाईव्ह अपडेट्स

मुंबई तक

24 Jun 2024 (अपडेटेड: 24 Jun 2024, 08:19 AM)

• 08:31 AM • 24 Jun 2024

  18th Lok Sabha live Updates : पहिल्या दिवशी काय काय?

  राष्ट्रपती द्रौपदी मुर्मू राष्ट्रपती भवनामध्ये भर्तृहरि महताब यांना लोकसभेचे प्रोटेम स्पीकर म्हणून शपथ देतील. त्यानंतर महताब संसद भवनात पोहोचतील. सकाळी 11 वाजता लोकसभेचे कामकाज सुरू होईल. 

  लोकसभा महासचिव उत्पल कुमार सिंह सभागृहाच्या पटलावर निवडून आलेल्या खासदारांची यादी ठेवतील. त्यानंतर महताब सभागृह नेते म्हणून पंतप्रधान मोदी यांना लोकसभा सदस्यत्वाची शपथ घेण्यासाठी बोलावतील. त्यानंतर नवनिर्वाचित खासदारांना 24,25 जून रोजी शपथ दिली जाईल. 

  बुधवारी लोकसभा अध्यक्षांची निवड

  लोकसभा अध्यक्षपदासाठी 26 जून रोजी निवडणूक होणार आहे. 27 जून रोजी राष्ट्रपतींचे अभिभाषण होईल. राष्ट्रपतीच्या अभिभाषणावरील आभार प्रस्तावावर 28 जूनपासून चर्चा सुरू होईल. 2 किंवा 3 जुलै रोजी पंतप्रधान मोदी या चर्चेला उत्तर देण्याची शक्यता आहे.