Pune Porsche Accident Updates : पुण्यात खळबळ! 'ससून'मधील मोठ्या डॉक्टरला अटक

डॉ. अजय तावरे आणि डॉ. श्रीहरी हरलोर यांनी काय केले?

मिळालेल्या माहितीनुसार, अल्पवयीन आरोपीच्या रक्ताचे नमुने घेण्यासाठी ससून रुग्णालयात नेण्यात आले होते. तिथे त्याच्या रक्ताचे नमुने घेण्यात आले होते.

पोलिसांच्या तपासातून ही माहिती समोर आली की, ससूनमधील फॉरेन्सिक विभागाचे प्रमुख डॉ. अजय तावरे यांनी अल्पवयीन मुलाच्या रक्ताचे नमुनेच बदलून टाकले.

हेही वाचा >> ''हिंमत असेल तर एक...'', भाजपाचं राऊतांना थेट आव्हान 

डॉ. अजय तावरे आणि डॉ. श्रीहर हरलोर यांनी अल्पवयीन आरोपीने मद्य प्राशन केले होते, हे सिद्ध होऊ नये म्हणून त्याच रक्त गटाच्या दुसऱ्या व्यक्तीच्या रक्त चाचणीसाठी दिले, असा आरोप आहे.

आरोपीच्या रक्ताचे नमुने बदलल्याचे कसे आले समोर?

अपघात झाल्यानंतर अल्पवयीन आरोपीला सकाळी  ११ वाजता ससून रुग्णालयात नेण्यात आले होते. तिथे त्याचे रक्त चाचणीसाठी घेण्यात आले. त्यानंतर पोलिसांनी पुन्हा आरोपीच्या रक्ताचे नमुने घेतले होते. 

रक्त चाचणीच्या पहिल्या रिपोर्टमध्ये आरोपीने मद्य प्राशन केले नसल्याचे म्हटले गेले. तर दुसऱ्या रक्त चाचणीच्या रिपोर्टमध्ये आरोपीने मद्य प्राशन केलेले होते, असे म्हटले गेले. त्यामुळे पोलिसांचा संशय बळावला.

हेही वाचा >> "मी सात वेळा...", निकालाआधी मोदींचं पंतप्रधान पदाबद्दल मोठं विधान 

अल्पवयीन आरोपीला वाचवण्यासाठी ससून रुग्णालयातील डॉक्टरांनी त्यांचे रक्ताचे नमुने बदलल्याचे पोलिसांच्या तपासातून समोर आल्यानंतर डॉ. अजय तावरे आणि डॉ. श्रीहरी हरलोर यांना अटक करण्यात आली. 

अजय तावरेंची अधीक्षक पदावरून करण्यात आली होती हकालपट्टी

एप्रिल महिन्यातच डॉ. अजय तावरे यांची वैद्यकीय अधीक्षक पदावरून हकालपट्टी करण्यात आली होती. १ एप्रिल रोजी ससून रुग्णालयातील अतिदक्षता विभागात उपचार घेत असलेल्या एका ३० वर्षीय रुग्णाचा उंदीर चावल्याने मत्यू झाला होता. या प्रकरणात वैद्यकीय शिक्षण आयुक्त राजीव निवतकर यांनी डॉ. अजय तावरे यांना पदावरून हटवले होते.