Ganesh Chaturthi 2024: बाप्पाचं विसर्जन घरीच करायचा विचार? पण थोडं थांबा...

भाद्रपद महिन्यातील गणेश चुतर्थीला घरोघरी गणपतीचे पूजन केले जाते. 10 दिवस बाप्पाचे थाटात मानपान करण्यात येते. यंदा गणेश चतुर्थी 7 सप्टेंबर 2024 रोजी आहे. तर अनंत चतुर्दशी 17 सप्टेंबर रोजी आहे. 

हेही वाचा : Anant Chaturthi 2024: यंदा कधी आहे बाप्पाचं विसर्जन? जाणून घ्या तारीख आणि शुभ मुहूर्त

गणेश विसर्जनाची योग्य पद्धत नेमकी काय?

• श्रीगणेशाची विधिवत पूजा केल्यानंतर हवन करा आणि नंतर गणेशाचे स्वस्तिवाचन करा.
• आता पाट घ्या आणि त्यावर स्वस्तिक बनवा. नंतर तो तसाच ठेवावा, पिवळ्या किंवा गुलाबी रंगाचे कापड त्यावर पसरून चारही कोपऱ्यात पूजेसाठी सुपारी ठेवावी.
• आता मूर्ती जिथे ठेवली होती तिथून उचला आणि आनंदाच्या जयघोषात यावर बसवा.
• आत गणपती बाप्पासमोर फळे, फुले, सुपारी आणि मोदक ठेवा.
• यानंतर हात जोडून गणपती बाप्पाची प्रार्थना करा. पूजेच्या 10 दिवसात काही चूक झाली असेल तर माफी मागा.
• आता सर्वांनी गणपती बाप्पाचं नाव घेत बाप्पाला डोक्यावर किंवा खांद्यावर पाटासह विसर्जनस्थळी घेऊन जल्लोषात घरातून निरोप घ्यावा.
• विसर्जनाच्या ठिकाणी लक्षात ठेवा की बाप्पाची मूर्ती फेकून देऊ नये, तर पूर्ण आदराने विसर्जन करावे. यानंतर हात जोडून माफी मागून पुढच्या वर्षी येण्याची विनंती करा. विसर्जनाच्या वेळी कापूर लावून त्याची आरती करावी.

हेही वाचा : Oshin Sharma: उपजिल्हाधिकारी मॅडमसोबत आमदार पती वागला गुलीगत; म्हणाल्या त्याने…

घरीच गणेशमूर्तीचे विसर्जन कसे करावे?

• जर तुम्ही घरातच विसर्जन करत असाल तर वर दिलेल्या संपूर्ण प्रक्रियेचे अनुसरण करा.
• निर्माल्य एकाच ठिकाणी गोळा करून योग्य ठिकाणी विसर्जित करावे.
• घरात विसर्जन केल्यानंतर दुसऱ्या दिवशी घरातील कुंडीत किंवा बागेत पाणी आणि माती विसर्जित करावी.

श्री गणेश विसर्जन मंत्र 1

यान्तु देवगणा: सर्वे पूजामादाय मामकीम्।

इष्टकामसमृद्धयर्थं पुनर्अपि पुनरागमनाय च॥

श्री गणेश विसर्जन मंत्र 2

गच्छ गच्छ सुरश्रेष्ठ स्वस्थाने परमेश्वर।

मम पूजा गृहीत्मेवां पुनरागमनाय च॥