Poonam Mahajan: 'प्रमोद महाजनांची हत्या एक षडयंत्र, पुन्हा केस उघडा', पूनम महाजनांचा मोठा गौप्यस्फोट

पूनम महाजन: मी हे गेल्या काही वर्षांपासून बोलते आहे. मी काही हे आज बोलत नाही.. कसंय.. राग कोणाचा कोणावर असणं... मी हे एका कार्यक्रमात बोलली आहे. की, त्या गोळीची आणि बंदुकीचे पैसे हे प्रमोद महाजनांचे होते. 

माझं मत आहे.. गोळी, हात, शरीर हे त्या माणसाचं होतं. त्याचा राग असेल त्यात कुठेतरी... पण ते कारण आणि ती बुद्धी.. ती फक्त कोणत्या तरी फालतू भांडणाची नाही. 

काही तरी कारण आहे.. त्याला मी राजकीय म्हटले नाही कधी. त्यामागे काही तरी मोठं कारण आहे की, ते षडयंत्र हिशोबाने दिसतं आणि हे मी दोन वर्षांपासून फार प्रखरतेने बोलतेय. 

मी पत्र लिहणार आहे. महाराष्ट्राचे आणि देशाच्या गृहमंत्र्यांना पत्र लिहिणार आहे. हे नेमकं काय आहे ते बघा.. कारण आता मी त्या परिस्थितीत आहे. जेव्हा मी 2007-08 ला बोलत होते तेव्हा सत्ताही आपली नव्हती. तेव्हा बहुदा मला सीरियसली घेतलं नव्हतं. आज मी त्या परिस्थितीत आहे की, मी तो प्रश्न विचारू शकते. असं पूनम महाजन यावेळी म्हणाल्या.

प्रमोद महाजन यांची 22 एप्रिल 2006 रोजी मुंबईतील वरळी येथील राहत्या घरी त्यांच्या भाऊ प्रवीण महाजन याने गोळ्या झाडून हत्या केली होती. प्रवीणने चार राऊंड गोळ्या झाडल्या होत्या आणि नंतर जवळच्या पोलीस ठाण्यात त्याने आत्मसमर्पण केले होते.

हे ही वाचा>> Jayram Ramesh : फडणवीसांच्या टीकेला सडेतोड प्रत्युत्तर, जयराम रमेश यांनी थेट मोदी-शाहांचं नाव घेत फडणवीसांना...

30 ऑक्टोबर 2007 रोजी त्याला जन्मठेपेची शिक्षा सुनावण्यात आली होती. दरम्यान, पॅरोलवर बाहेर आलेला असताना ब्रेन हॅमरेजने त्याचा मृत्यू झाला होता.