नागपूर विद्यापीठात खळबळ! जनसंपर्क अधिकारी, सात प्राध्यापक आणि १६ लाख; प्रकरण काय?

प्राध्यापकांच्या तक्रारीनुसार विद्यापीठाचे प्रभारी जनसंपर्क अधिकारी डॉ. धर्मेश धावणकर यांनी लोकप्रशासन विभागाचे प्रमुख जितेंद्र वासनिक, प्रवास पर्यटन विभागाचे प्रभारी डॉ. प्रियदर्शी खोब्रागडे, समाजशास्त्र विभागाचे प्रमुख डॉ. अशोक बोरकर, ग्रंथालय शास्त्र विभागाचे प्रमुख डॉ.सत्यप्रकाश निकोसे, अर्थशास्त्र विभागाचे प्रमुख डॉ. सत्यप्रकाश इंदूरवाडे, जीवनरसायन शास्त्र विभाग प्रमुख डॉ.वीरेंद्र मेश्राम, मराठी विभागाचे डॉ. शैलेंद्र लेंडे यांच्याकडून पैसे उकळल्याचा आरोप आहे.

नागपूर : शेअर मार्केटच्या नादात मुलाने घरावरच मारला डल्ला, ७३ लाखांची चोरी

‘तुमच्या विरोधात लैंगिक छळाच्या तक्रारी आल्या आहेत. त्या तक्रारीमधून तुम्हाला बाहेर निघायचं असेल, तर पैसे द्यावे लागतील, अशी धमकी दिली. या प्राध्यापकांकडून सोळा लाख रुपये वसूल करण्यात आल्याचा आरोप तक्रारीत करण्यात आलाय.

प्राध्यापकांनी या प्रकरणी नागपूर विद्यापीठाचे कुलगुरू सुभाष चौधरी, राज्यपाल भगतसिंह कोश्यारी, उच्च व तंत्रशिक्षण मंत्री तसेच मुख्यमंत्र्यांकडे लेखी तक्रार या संदर्भात केली आहे. याप्रकरणी तक्रार पोलिसात दाखल करणार असल्याचं प्राध्यापकांकडून सांगण्यात आलंय.

धर्मेश धवनकर यांनी सात प्राध्यापकांना सांगितलं की, ‘तुमच्या विरोधात लैंगिक छळाच्या तक्रारी आल्या आहेत. त्यासाठी नागपूर विद्यापीठाने चौकशी समिती गठित केली आहे. त्याचौकशी समितीमध्ये ज्येष्ठ वकील आणि माझा सुद्धा समावेश आहे. त्यामुळे जर तुम्हाला या लैंगिक छळाच्या चौकशीमधून बाहेर पडायचं असेल, तर पैसे खर्च करावे लागतील.’

नागपूर विमानतळावर प्रवाशाकडून एक कोटी रूपयांचं सोनं जप्त, कस्टम विभागाची कारवाई

धर्मेश धवनकरांनी पैशांची मागणी केल्यानंतर या प्राध्यापकांपैकी काहीजणांनी पाच लाख, तर काही जणांनी तीन लाख रुपये दिले. एकूण सात प्राध्यापकांकडून 16 लाख रुपये धवनकर यांनी खंडणी स्वरूपात वसूल केल्याचा आरोप आहे.