Maharashtra Weather: राज्यात परतीच्या पावसाची पुन्हा बॅटिंग? 'या' जिल्ह्यांना मुसळधार इशारा 

मुंबईत आज हवामानाचा अंदाज काय? 

ठाणे आणि मुंबईत आज विजांच्या कडकडाटासह मुसळधार पावसाचा अंदाज व्यक्त करण्यात आला आहे. पुढील चार दिवस हा पावसाचा जोर कायम राहणार असल्याची शक्यता हवमान विभागाने वर्तवली आहे.

त्याचबरोबर कोल्हापूर, पुणे, सिंधुदुर्ग, रत्नागिरी, रायगड या जिल्ह्यांना यलो अलर्ट देण्यात आले आहे.

हेही वाचा : Horoscope In Marathi : 'या' राशींच्या व्यक्ती प्रेमात असतात लकी! तुमचं लव्ह लाईफ कसं राहील?

नैर्ऋत्य मोसमी वाऱ्यांनी देशातून परतीची वाटचाल केलेली असतानाही राज्यात पावसाला पोषक हवामान मिळत आहे. त्यामुळे आज कोकण, मध्य महाराष्ट्रात वादळी वारे, विजांसह पावसाच्या सरी बरसण्याची शक्यता असल्याने येलो अलर्ट जारी करण्यात आला आहे. मराठवाड्यातही विजांसह पावसाचा अंदाज हवामान विभागाने वर्तविला आहे.

ऊन, पाऊस... काही भागांत संमिश्र वातावरण!

मराठवाड्यातील काही जिल्ह्यांत गेल्या रविवार, सोमवार, मंगळवारीही पावसाने हजेरी लावली. दुपारपर्यंत कडक ऊन आणि सायंकाळी पाऊस असे चित्र येथे पाहायला मिळाले. मराठवाड्यातील तापमानाचा पारा 32 अंशांच्या पार गेला असून एकीकडे ऑक्टोबर हिटचे चटके तर एकीकडे पाऊस असे चित्र आहे.

आज पुन्हा एकदा काही ठिकाणी जोरदार पावसाचा अंदाज आहे. संभाजीनगरमध्ये आज 29 अंश कमाल तर 21 अंश सेल्सिअस किमान तापमान असेल.