Balu More : शिवसेनेनंतर भाजप नेत्याला गोळ्या घालून संपवलं, जळगाव हादरलं!

गेल्या काही दिवसांपासून राज्यात राजकीय नेत्यांवरील हल्ल्याच्या घटना वाढल्या आहेत. त्यात  तीनच दिवसांपूर्वी जळगावमध्ये भाजपच्या माजी नगरसेवक महेंद्र ऊर्फ बाळू  मोरे यांच्यावर अज्ञातांनी गोळीबार केला होता. या गोळीबाराच्या घटनेतनंतर बाळू मोरे यांना रूग्णालयात दाखल करण्यात आले होते. मात्र आज पहाटेच त्यांची उपचारा दरम्यान प्राणज्योत माळवली. या घटनेने राजकीय वर्तुळात हळहळ व्यक्त होत आहे. 

हे ही वाचा : भाजप कार्यकर्त्यांच्या हल्ल्यानंतर निखिल वागळे संतापले, पाहा नेमकं काय म्हणाले?

नेमकी घटना काय? 

बाळू मोरे हे चाळीसगाव नगरपालिकेचे माजी नगरसेवक होते. गेल्या 7 फेब्रुवारीला ते आपल्या कार्यालयात बसले होते. यावेळी पांढऱ्या रंगाच्या कारमधून काही अज्ञात हल्लेखोरांनी येऊन त्यांच्यावर बेछूट गोळीबार केला होता. तब्बल 8 गोळ्या मोरेंवर झाडण्यात आल्या होत्या.  यामधील एक गोळी त्याच्या छातीला, पोटाला आणि पायाला लागली होती. या हल्ल्यानंतर घटनास्थळावरून हल्लेखोर पसार झाले होते. 

दरम्यान या गोळीबाराच्या घटनेनंतर नागरिकांनी त्यांना तत्काळ रूग्णालयात दाखल केले होते.  यावेळेस नाशिकच्या अशोका हास्पिटलमध्ये त्यांच्यावर उपचार सूरू होते. या उपचारा दरम्यानच त्यांचा मृत्यू झाल्याची घटना घडली आहे. या घटनेने जळगावात हळहळ व्यक्त होत आहे. 

हे ही वाचा : 'निर्ढावलेला, निर्घृण.. निर्दयी आणि लांडग्यासारखा गृहमंत्री', ठाकरेंना संताप अनावर; फडणवीसांवर तुटून पडले

या प्रकरणी पोलिसांनी आता 7 जणांवर गुन्हा दाखल केला आहे. त्यानुसार चाळीसगाव पोलीस ठाण्यात पाच हल्लेखोर आणि कट रचणारे 2 अशा 7 जणांवर गुन्हा दाखल करण्यात आला आहे. पुर्ववैमनस्यातून त्यांची हत्या करण्यात आल्याची माहिती आहे. या प्रकरणाचा अधिकचा तपास सूरू आहे.